ATÜNNAK 47:23 - Cho Bible Common Language 2016

²³ Joseph naw chang gui am, “Teng vä, kei naw nangmi la nami khaw avan cu, ghangpughang ah phäh ah ka hleih pyi ci nei. Geit m’shi cu la vä, nami lolai ung nami geit vai.

ATÜNNAK 47:23 Referans Kwoze

2 KORIN 9:10

M’shi geit ciam, geit m’shi la ei vai pek ciah Khanpughi naw, nami ng’yak hlü ah m’shi avan cu ning pe gui ne, ng’lih pyo sak khai nei. Nami ng’khailang nak ungka chünla ciah am theihpai cun phi nami hmuk khai nei.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

ISAIAH 55:10

“Kei ah ka ng’thu cu khüitoi la kho k’aa ah mäih ah kyak ci. Cun cu khomik ungka kya law ne, khomdek cu tui awn shawi ci. A cun naw geit kaw gui cu däm ng’ghaw sak ci, geit vai ah m’shi la ei vai ah ei cu kyak sak ci.

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

NG'THU K'THUUK~ 13:23

Kä bi man ah lo cu dukhaih ciah hmawk ah akda ah vuipai khai. Cun ung phi kä taga ciah chang ah hmak ah lo cu shum ne kä bi vai ah kyak khai.

NG'THU K'THUUK~ 12:11

Khüighat ne lo bik cicu a ei vai da ci. Cun ung phi kholä ciah bi ung akhin ng’pyi sak cicu ak gu-ang ah kyak ci.

NG'THU K'THUUK~ 11:26

Geit m’sep ne a phu a küi law ung a yoih vai ah gim ciah chang cu chang gui naw plah ci gui. Cun ung phi htang yoi ciah chang cu m’hlüngtai ci gui.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

SAM 41:1

Dukhaih ciah chang tengkhen ci gui cu yeikyai nak om ci. Geinvai nak a gawk law ung ngami cu Bawipa naw m’htei gui khai.

ATÜNNAK 45:6

Shin ah khaw ung khaw a shet nak kum goi law phak ci, kä geit nak hlawt, kä khäm nak hlawt vai kum hma om ba ci.

ATÜNNAK 41:27

Ak hnu ah law ba ciah kyung ciah vantang chih la khokhi aa sei ng’shi ciah htang vui chih cu kho ah yaw nak ah khokum chih ah kyak ci.

ATÜNNAK 47:22

Ani ah kä hleih tu cu taigüpa gui ah khaw bäng om ba ci. Ngami naw ami khaw kä yoi ci gui, a i ah kyasei ci ung ghangpughang naw akphlüt ah ami ei vai a pek gui ah phäh ah kyak ci.

ATÜNNAK 47:24

Nami khäm law ung bum hma ung bum ät cu ghangpughang am nami pek vai nei. Ak pawih ba cu amshi vai la nami hmawk la nami kyong ung nami ei vai ah kyak khai nei.