ATÜNNAK 47:22 - Cho Bible Common Language 2016

²² Ani ah kä hleih tu cu taigüpa gui ah khaw bäng om ba ci. Ngami naw ami khaw kä yoi ci gui, a i ah kyasei ci ung ghangpughang naw akphlüt ah ami ei vai a pek gui ah phäh ah kyak ci.

ATÜNNAK 47:22 Referans Kwoze

EZRA 7:24

Nangmi naw taigü gui, Levit gui, ng’äi awm ci gui, Taigüim ngäng ci gui biik’bi gui a u phi a shin ah Taigüim ah mawng phung ung a i akhon phi kä nami loh vai.

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

2 THESSALONIAN 3:10

Keimi cu nangmi awn a täng ah kami om yah ung, “Bi kä bik hlük ci naw ei kä ah ei-en vai,” cine kami ning m’thei gui ci.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

MATTHE 10:10

Ng’yoih nak ah ng’ip, k’htu ang yung akda, phahnak la ng’shopawng gui phi kä nami hteh püi vai. A i ah kyasei ci ung bi bik ciah chang ah ang yak hlü cu peit taak vai ah kyak ci.

NEHEMIAH 13:10

Cun kawn ah kei naw ka hmuh cu Taigüim ung ng’äi awm ci gui la a hei Levit gui Jerusalem hteh ta u ne ami lo ah hteit ba ci gui, a i ah kyasei ci ung chang gui naw ami ng’büh nak vai ah kä ami pek ah phäh ah kyak ci.

2 SAMUEL 8:18

Jehoiada ah hta Benaiah cu David ngäng ciah bawi ng’vai pi ah kyak ci, David ah hta gui cu taigü ah kyak ci gui.

THULÄÄN NAK 12:19

Nami cimgang vai, nami khaw ung nami om ah chuih Levit gui cu kä nami nawng gui vai.

ATÜNNAK 41:50

Kho kä a yaw pha ung Joseph cu Asenath awn pami hnih ah hta ci goi.

ATÜNNAK 41:45

Ani naw Joseph cu Zephenath Paneah aming sui ba ne, Asenath cu chu na sak ci, ani cu Heliopolis mang gaw ah taigüpa Potipha ah htahnumi ah kyak ci.

ATÜNNAK 14:18

A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci.

ATÜNNAK 47:21

Joseph naw Egypt khaw acawi ah khüt khai ah, chang avan cu changshäm ah kyak sak ci.

ATÜNNAK 47:23

Joseph naw chang gui am, “Teng vä, kei naw nangmi la nami khaw avan cu, ghangpughang ah phäh ah ka hleih pyi ci nei. Geit m’shi cu la vä, nami lolai ung nami geit vai.

ATÜNNAK 47:26

Cun ah kyasei Egypt khaw ung Joseph naw thukhän a pyan cu, geit ami khäm ah bum hma bum ät cu ghangpughang ah kaa vai nei” ciah kyak ci. Cun ah thukhän cu tuh güt ghing ci. Taigüpa gui ah khaw bäng cu ghangpughang naw kä khäm tuk ci.