ATÜNNAK 47:17 - Cho Bible Common Language 2016

¹⁷ Ngami naw ami seime gui Joseph ah law püi u sei, ng’sela ni, seime ni, htome ni gui cu Joseph naw ei awn m’thawng tu gui ci. Cun ah kum ung ami seime gui avan ah phu ah ei cu tu m’bei gui ci.

ATÜNNAK 47:17 Referans Kwoze

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

JOB 2:4

Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

1 GHANGPUGHANG GUI 10:28

Murri la Cilicia ah ka ng’se ami law püi gui cu ghangpughang ah a changshäm gui naw shuum ne bik ci gui.

PHYAWN NAK 9:3

kei naw ka ning m’kyuk khai, na seime gui avan-ng’se gui, la gui, kala uk gui, seipat gui, hto gui me gui ah khan ah kyihkyawk vai ah leigai ka yuk chah khai.

ATÜNNAK 47:16

Joseph naw, “Nami ngui ang pyi ah a kyak ung, nami seime gui law püi vä, ei awn ka ning thawng tu gui khai nei” cik ci.

ATÜNNAK 47:18

A hngeng kum ung chang gui law ba u neta, “Bawi aw, na ma ah a i kä kami m’yih khai, kami ngui avan ng’pyi pyi ci, kami seime avan phi nang ung gawk yawp ci, kami pumsa la kami khomdek bäng ka mi ning pek vai om ba ci.