ATÜNNAK 46:7 - Cho Bible Common Language 2016

⁷ A hta hnumi pami gui, atu hnumi pami gui ami van hteh püi gui ci.

ATÜNNAK 46:7 Referans Kwoze

ATÜNNAK 46:6

Kanaan khaw ah ka ami seime khawh chaam gui avan hteh püi u ne Egypt khaw ah hteit ci gui. Jakob naw a hta ng’shon gui ami van hteh püi gui ci.

ATÜNNAK 46:8

Jakob ah kyong ungka Egypt khaw ah hteit tuk ci gui cu, a hta ng’vaipi Reuben,

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

ATÜNNAK 34:7

Cun yah ung Jakob ah hta gui phi bung ah kaa law ba ci gui. Shekhem naw ami bee pyei ne, Israel pakhui a yawshe nak gui cu hmat law u neta ang htei ah thüi ne m’lungshe ci gui.

KHEI NAK 20:15

A i cha ah kami pupa gui Egypt khaw ah ami gawk, aca ah khaw kum akda kami om tuk ci. Egypt chang gui naw kami pupa gui la keimi cu akshe ah na om püi gui ci gui.

THULÄÄN NAK 23:7

“Edomit chang gui kä nami päipih gui vai, ngami cu nami mätyah ah kyak ci gui. Egypt chang gui kä nami päipih gui vai; nangmi cu ngami ah khaw ung nami om tu man ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

SAM 105:23

Cun kawn ah Jakob cu Egypt ah hteit ne, acun ah kho ah om tuk ci.

ISAIAH 52:4

Egypt khaw ung khohei chang ah kya ne nami om tu yah ung nami mät ah m’hni ah nami om ci; Assiria gui naw güt ne ning hteh püi gui ne, nangmi ah phäh ah a i kä m’hnüt ci gui.