ATÜNNAK 46:6 - Cho Bible Common Language 2016

⁶ Kanaan khaw ah ka ami seime khawh chaam gui avan hteh püi u ne Egypt khaw ah hteit ci gui. Jakob naw a hta ng’shon gui ami van hteh püi gui ci.

ATÜNNAK 46:6 Referans Kwoze

LAMKTU 7:15

Jakob cu Egypt khaw ah law tuk ci, acu ah amät lah a hta gui ami van sih tuk ci gui.

ISAIAH 52:4

Egypt khaw ung khohei chang ah kya ne nami om tu yah ung nami mät ah m’hni ah nami om ci; Assiria gui naw güt ne ning hteh püi gui ne, nangmi ah phäh ah a i kä m’hnüt ci gui.

SAM 105:23

Cun kawn ah Jakob cu Egypt ah hteit ne, acun ah kho ah om tuk ci.

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

1 SAMUEL 12:8

Jakob la akyong ung ka gui Egypt khaw ah ami hteh yah ung, Egypt chang gui naw yawshe na gui ci gui, nami pupa gui naw Bawipa naw am htei gui vai ah k’thäh ci gui, ani naw Moses la Aaron cu tüi goi ci, ngami naw Egypt ung ka law püi ba gui ne, shui ah khaw ung om sak gui ci.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

KHEI NAK 20:15

A i cha ah kami pupa gui Egypt khaw ah ami gawk, aca ah khaw kum akda kami om tuk ci. Egypt chang gui naw kami pupa gui la keimi cu akshe ah na om püi gui ci gui.

ATÜNNAK 15:13

Bawipa naw, “Na htangshon gui cu chang ah khaw ah omktu ah kya ne om tu u ne, chang ah changshäm ah kya ne, chang ah shedam nak cu khawkum phia phli ung bui awt khai gui nei.

ATÜNNAK 46:7

A hta hnumi pami gui, atu hnumi pami gui ami van hteh püi gui ci.