ATÜNNAK 46:4 - Cho Bible Common Language 2016

⁴ Kei naw Egypt khaw ah ka ning khah püi khai nei. Kei naw na hta ng’shon gui cu shin ah khaw ung ka law püi ba gui khai nei. Joseph naw nang cu na sih güt ning om püi khai nei” cik ci.

ATÜNNAK 46:4 Referans Kwoze

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

ATÜNNAK 50:1

Joseph naw apa kyawp ne, kyap ne a hmai ung ng’ui ci.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 50:5

‘Kapa naw a sih law vai ung ng’thu ana khän shüt ah mäih ah, amät naw a pyen shüt ah Kanaan khaw ng’cim hmun ung ka k’phuh ba khai nei. Cun ah kyasei kapa ah gook cu hteit ne ka k’phuh ba vai ah na m’gein sä, cun kawn ah ka law ba khai nei” cine tüi gui ci.

ATÜNNAK 50:13

A gook cu Kanaan khaw ah kawt ba u ne, Abraham naw Hittit chang Ephron ah ng’cim hmun vai ah a thon ba ah Mamre lai ah a kiangtäng Makpelah phuh hmun ung phuh ci gui.

PHYAWN NAK 3:17

Egypt khaw, akshe ah ami ci cun nak gui ungka, ka hteh püi ba gui khai ciah kei naw ka k’bäi pyi ci nei. Kei naw büh mang ne anglei nik ciah khaw-Kanaanit, Hittite, Amorit, Perizzit, Hivit, la Jebusit chang gui ah khaw ah ka hteh püi gui khai.