ATÜNNAK 46:2 - Cho Bible Common Language 2016

² Khanpughi naw mü ah a muimang ung, “Jakob, Jakob” cine khü sei, Jakob naw, “äi, sha ka om ci nei” cik ci.

ATÜNNAK 46:2 Referans Kwoze

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

LAMKTU 16:9

Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci,

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 9:10

Cun yah ung Damaskas ah Ananias ming nak ciah, Khritha tumat om ci. Ang muimang ung Bawipa naw, “Ananias awi” ci neh khü khätah, “Shi ah ka om ci nei Bawipa” ci neh äi ci.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

DANIEL 2:19

Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

JOB 4:13

Ana büm ah mäih ah kei ah ka ih nak cu na tüihtok ci,

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

1 SAMUEL 3:4

Bawipa naw Samuel cu khü ci. “Ä, saza,” ci ne

KHEI NAK 24:4

Khanpughi ah ng’thu pyen ng’ya hning ciah chang ah kyak ciah mik awn yeikyai nak ka hmuk ci. A hlüngtai säih Khanpughi ungka muimang ah kyak ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

ATÜNNAK 31:11

Ka ih mang ung Khanpughi ah khanchang naw, “Jakob” cine na khü sei, “äi” ci ngäta, ani naw,

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 22:1

Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

ATÜNNAK 15:13

Bawipa naw, “Na htangshon gui cu chang ah khaw ah omktu ah kya ne om tu u ne, chang ah changshäm ah kya ne, chang ah shedam nak cu khawkum phia phli ung bui awt khai gui nei.

LAMKTU 10:13

“Peter; tho law ne, ngawn ne ei gui ä” ciah k’aw cu ng’yak ci.

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

SUKI GUI 7:2

Bawipa naw Kideon am, “Midianit gui ah khan ah kei naw näng nak ka pek gui vai ah kei ah phäh ah nang ah na chang gui cu da aih ci gui. Ngami naw ami mät näng hning ci gui ah ngai khai gui, kei ah bä nak cu kä hmat khai gui.

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

ZEKHARIAH 1:8

Kei naw ng’se asen ng’cuum ciah chang tumat cu ka hmuk ci. Ani cu m’htai ghing gui ah hmu khaw ng’nawi ung düi ci. Ani ah hmu ah ng’se gui — asen, amvo la a bawk gui om ci gui.