ATÜNNAK 46:12 - Cho Bible Common Language 2016

¹² Judah la a hta gui; Shelah, Perez, la Zerah. (Judah ah a hta hei goi Era la Onan cu Kanaan khaw ah si pyi ci goi.) Perey ah hta goi cu Hezron la Hamula.

ATÜNNAK 46:12 Referans Kwoze

1 SHONTÄP NAK 4:21

Shelah cu, Judah ah hta gui ungka tumat ah kyak ci. Ani ah htangshon gui ung Era, naw Lekah gawnu k’süm ci; Laadah, naw Mareshah gawnu süm ci; Beth Ashbea gawnu ung om ciah Linen sui tah ciah pahta gui;

ATÜNNAK 38:10

Cun ah a bi cu Bawipa naw kä m’hni neta, ani cu m’sih ci.

ATÜNNAK 38:7

Tama cu lak pek ci. Era cu a omshe ne m’thüi khäta Bawipa naw m’sih ci.

ATÜNNAK 29:35

Cun kawn ah kämah ba ne hta ba mä neta, “Tuhbäi Bawipa ka m’hlüngtai ci nei” ci neta a ming cu Judah ah sui ci. Cun kawn ah kä hta ba ci.

THU PHLAAN 5:5

Cun kawn ah aghaampa gui ungka tumat naw, “Kä kyap ne teng ä, Judah pakhui ungka phongkawng ah mäih ah kyak ciah David ah hta ng’shon cu näng nak gah pyi ci nei, ani naw m’hnüt nak chih cu khawk ne, ca k’chaw cu k’phian hning ci nei,” cine pyein ci.

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

1 SHONTÄP NAK 5:2

Judah pakhui cu a khüighat pikbäih ah kyasei, pakhui avan uk khai ah ani am ami pek ah kyak ci.

1 SHONTÄP NAK 3:1

Hebron ung a om yah ung David ah hta gui cu, a khokum aläk ah khei ung shin ah kyak ci: Amnon, anu cu Karmelaa ah ka Ahinoam Daniel, anu cu Karmelaa ah ka Abigail Absalom, anu cu Geshura ghangpughang Talmai ah hta hnumi Maakah, Adonijah, anu ci Hakkith Shephatiah, anu cu Abital Ithream, anu cu Eklah

1 SHONTÄP NAK 2:1

Jakob ah a htapa gha lei goi lawk ci: Reuben, Simeon, Levi, Judah, Issakha, Zebulun,

SUKI GUI 1:2

Bawipa naw m’shang gui ne, “Judah pakhui hteit ma sä, kei naw khaw ami m’khüt nak vai ka pe gui ci nei” cik ci.

THULÄÄN NAK 33:7

Ani naw Judah pakhui a pyen nak gui cu, “Bawipa, na m’hteihtang gui vai ah ami kyah cu ngaih pe gui ä. A hei pakhui gui awn kawng ät ba sak gui ä. Ngami ah phäh ah ng’tuk bi pe gui ä, Bawipa, Ami ga gui hnungtuk ne m’hteihtang gui ä.”

ATÜNNAK 38:4

Cun kawn ah m’gaai ba ne pami ah hta law ba sei Onan ah sui ci gui.

ATÜNNAK 46:11

Levi la a hta gui; Kershon, Kohath, la Merari.

ATÜNNAK 46:13

Iskha la a hta gui; Tola, Puah, Jashuh la Shimron.

RUT 4:12

Shin ah hnumi awn nani hta ah Bawipa naw a ning pek ah a hmaw gui naw Judah la ak chu Tamar ah hta Perez ah kyongkhui ah mäih ah na kyong khui pyang u sä” cik ci gui.

1 SHONTÄP NAK 9:4

Judah pakhui ungka, Jerusalem ah om ci gui cu kyongkhui 690 ah kyak ci. Judah ah hta Perez ah htangshon gui ah ami ng’vaihta cu Uthai ah kyak ci, ani cu Ammihud ah hta Omriah tu ah kyak ci. Ani ah a hei a pupa gui cu Imri la Bani ah kyak ci. Judah ah hta Shelah ah htangshon gui ah ami ng’vaihta cu Asaiah ah kyak ci, ani ami kyongchang ung ami ng’vai ah kyak ci Judah ah hta Zerah ah htangshon gui ah ami ng’vai cu Jeuela ah kyak ci.

ATÜNNAK 38:5

A chu cu pami ah hta ba mä ne Shelah ah aming sui ci. Cun yah ung Judah cu Achzib ah om ci.

1 SHONTÄP NAK 4:1

Shin gui cu Judah ah htangshon am ah kyak ci: Perez, Hezron, Karmi, Hura, la Shobala.

NEHEMIAH 11:24

Pethahiah, Meshezabela ah hta, Zerah pahta, Judah pakhui naw Persian mang im Israel chang gui ah mawng pyen ci.