ATÜNNAK 46:1 - Cho Bible Common Language 2016

¹ Jakob cu a khawh gui m’khäp sen neta, Beerasheba ah hteit ne apa Isaak ah Khanpughi cu khawihnah ci.

ATÜNNAK 46:1 Referans Kwoze

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 28:10

Jakob cu Beersheba ungka pawng ne, Haran khaw ah hteit ci.

ATÜNNAK 21:33

Abraham naw Beerasheba ah mangken geit neta, angtäi ghing ciah Bawipa Khanpughi cu khawihnah ci.

ATÜNNAK 21:31

Cun ah hmun cu ngani ah ani ng’phyun nak ah kyasei, Beerasheba ah pyen ci gui.

ATÜNNAK 21:14

A ngawi ung khawngawi hta Abraham naw, Hakarah am m’htut la tui um pe ne, a hta cu mäm sak neta, a hei ah hteh sak ci. Ani cu ng’düi law ne hteit ne, Beerasheba bung ah hteit shüi shüi ci.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

ATÜNNAK 22:13

Cun kawn ah Abraham cu mang shüi neta, pluup ung aki ng’awk sei om ciah htome cu hmuk ci. A hta ah hnün ung cun cu la neta mei awn m’khih ne khawihnah ci.

ATÜNNAK 12:8

Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

ATÜNNAK 4:4

Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.

LAMKTU 7:15

Jakob cu Egypt khaw ah law tuk ci, acu ah amät lah a hta gui ami van sih tuk ci gui.

ATÜNNAK 45:28

Jakob naw, “Ka hta Joseph cu ghing ne om ci nei, cun cu ka ng’yak hlü pikbäih nei! Kä ka sih pha ung hteit ne ka hmu ge khai nei” cik ci.

AMOS 7:9

Isaak ah hta ng’shon gui ah khawihnah nak ah hmun cu m’di vai nei. Israel gui ah theingciim ciah hmun gui cu ng’gäi ne di yawp khai nei. Kei naw ghangpughang Jeroboam ah ng’shon cu ka ng’pyi sak khai nei” cik ci.

JOSHUA 24:4

Isaak ungka naw Jakob la Esau ka pek ci. Kei naw Esau am a kaa nak vai ah Edom khawgui ka pek ci. Cun ung phi nangmi ah pupa Jakob la a hta nau gui cu Egypt khaw ah hteit ci gui.

1 SAMUEL 8:2

Ang vai ba cu Joel ah kya ne, ak hmaw ba cu Abijah ah kyak ci; ngami cu Beersheba ung suki ah kyak ci gui.