ATÜNNAK 45:5 - Cho Bible Common Language 2016

⁵ Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei.

ATÜNNAK 45:5 Referans Kwoze

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

ATÜNNAK 47:25

Chang gui naw, “Bawi aw, kami hnun gui na na hun gui ci, na bä ci nei, kami van ghangpughang ah changshäm ah kami kyak khai nei” cik ci gui.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

2 KORIN 2:7

Tuhbäi nuipai sei kä a thüi aih vai ah, ani cu m’gein ne, thamah nak pe vä.

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

2 SAMUEL 12:12

Nang naw adüm ah katnak na bik ci, cun ung phi kei naw shin gui cu khaw dei ung Israel gui avan naw ami hmuh vai ah ka bik khai” cik ci.

1 SAMUEL 1:19

A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

PHILIMON 1:15

Onesimus naw nang cu a shäng hta a ning pai püi ah kyak ci, cun ah kyasei nang naw ani cu khü ba ne angtäi sei na om püi vai nei.

ATÜNNAK 37:28

Midian sumlei chang gui ami law sang ung, a phäi gui naw Joseph cu khui ungka la ba u neta, Ismaela chang gui ah ngui phe m’ku ah yoi u sei, Egypt khaw ah hteh püi ci gui.

ATÜNNAK 50:19

Joseph naw, “Kä nami kyih vai, kei cu Khanpughi ah hnün ung kä ka om ci.

ATÜNNAK 50:21

Kä nami kyih vai, nami mät la nami hta gui avan ka ning m’htei gui khai, cine ami m’lung ung gawk khai ah m’hni nak ah ng’thu awn pyen na gui ci.

ESTA 4:14

Shin ah mäih a khin ung nang a düm ah na om ah a kyak ung, Jew chang gui ah hmawk ah khankho ah kaa m’hteihtang nak cu gawk lawk khai nei. Cun ung ngami cu hun nak gah khai gui. Cun ung phi nang cu na sik khai, na pa ah kyongchang cu ng’pyi khai. Cun ung phi nang ghangpughangnu ah na kyak law cu shin ah mäih a khin ah phäh ah kä kya ne ang!”