ATÜNNAK 45:26 - Cho Bible Common Language 2016

²⁶ Ami gawk ba vai am ami pa am, “Joseph cu ghing ne om ci nei, ani cu Egypt khaw uk ciah bawi ah kyak ci nei” cine m’thein u sei, Jakob cu cäi neta akcang ah käi neta akcang ah kä ngai ci.

ATÜNNAK 45:26 Referans Kwoze

ATÜNNAK 44:28

Tumat naw na hteh ta pyi ci, ani cu sa naw m’shih sei kä ka hmu ba ci.

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.

LUKA 24:41

Cun ung phi ngami cu cäi aih u netah, kä yum hlawt ne ami kiak yah ung, “Nangmi ung ei vai om ne ang?” cine ng’shi gui ci.

LUKA 24:34

Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.

LUKA 24:11

Ang düihpüi gui naw hnumi gui ah pyein cu, kä yum veih ci gui.

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

SAM 126:1

Bawipa naw Jerusalem mang gaw ah ana law püi ba gui yah cu ng’mang vai sü ah kyak ci!

SAM 105:21

Ani naw ak chang bawi gui k’thäh gui khai la, akho avan uk khai ah m’düih ci,

JOB 29:24

Ngami ami m’lung a thüi yah ung kei naw ka hmai kiang na gui ci, Hmai kiang ami hmuh ung ngami cu k’thamah ci gui.

JOB 9:16

Cun tu pang ung phi avaisü ah ana ng’thu tu sak ung phi, ka pyen na ngaih pe khai ah kä ka ngai hlawt ci.

ATÜNNAK 42:38

Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.

ATÜNNAK 42:36

Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.

ATÜNNAK 37:31

Cun kawn me ngawn u neta, Joseph ah sui cu asi awn hluk ci gui.

ATÜNNAK 45:25

Ngami cu Egypt khaw ah kaa naw ami pa ah om nak Kanaan khaw ah hteit ba ci gui.

ATÜNNAK 42:29

Kanaan khaw ami pa ah gawk ba u neta, a mawng avan cu m’thein tuk ci gui.

ATÜNNAK 48:11

Jakob naw Joseph am, “Nang phi kä ka ning hmu ba hlawt khai ah ka ngai te ci, Khanpughi naw na hta goi hngaw na hmuh sak ci nei” cik ci. Joseph naw Jakob ah akcoi ungka