ATÜNNAK 45:20 - Cho Bible Common Language 2016

²⁰ Ami khawh chaam gui ah phi kä ami ng’vang vai, Egypt khaw ung hmun akni pi cu ngami ah hmawk ah kyak khai nei” cine m’cäi ci.

ATÜNNAK 45:20 Referans Kwoze

ISAIAH 1:19

Nangmi naw kei bäng nami na ngaih ah a kyak ung, khaw ung m’thawk ciah akni gui cu nami ei khai nei.

LUKA 17:31

A cu hnüüp im m’kiung khan ah om ciah chang naw, a khawhchaam va la ba khai ah im kyong ah kä a vah luh-en ba vai. Lai ah om ciah chang phi im mah kä a hteh-en ba vai.

EZEKIEL 20:17

“Cun ung phi kei naw ka m’gein gui ci. Bung hmu ah kä ngawn gui vai ah kei naw ka k’bäi ci.

EZEKIEL 9:5

Khanpughi naw ahei chang tumat a pyen nak cu ka ng’yak ci, “ani cu mang gaw avan ung läk ä, chang gui ngawn gui vä, a u phi kä k’pawih en ah vä a u phi kä chimgein en vä.

EZEKIEL 7:9

Kei naw nangmi kä ka ning phiawn gui khai, chimgein nak api phi kä ka ning m’dang gui khai. Nang naw shemshai ci gui na bi ah phäh ah kei naw ka ning m’kyuk lawk khai, cun ung nang naw kei cu Bawipa ah nah mat khai, kei cu nang ning m’kyuk ciah tumat ah ka kyak cu nah mat khai.”

EZEKIEL 7:4

Kei naw nang cu kä ka ning phiawn khai, chimgein nak api phi kä ka ning m’dang khai. Nang naw shemshai ci gui na bi ah phäh ah kei naw ka ning m’kyuk lawk khai, cun ung nang naw kei cu Bawipa ah na nah mat khai.”

ISAIAH 13:18

Ami li la ami m’la awn ngami naw chang nong gui cu ngawn khai gui. Ngami naw ami hta hta gui phi kä chihna khai gui, ak hmaw hta gui phi kä m’gein khai gui.

EZRA 9:12

Ngami naw ami na m’thein gui cu, shin ah khaw cu yeikyai sak u ne, hta nau gui am phi ngawi yä kami pek gui hning vai ah khuihei chang gui awn kä kami chungla vai, ami bämang m’khüt näng nak vai, kä kami bawm gui vai ah kyak ci.

1 SAMUEL 30:24

Cun ah nami pyen cu a u naw kä yum tuk khai nei! Van naw a täng ah mi ng’pai khai; ng’tuk va bik ciah chang gui la ei vai ngäng ne, mi hnu ah ana om ci gui cu a täng ah ng’pai khai gui nei” cik ci.

1 SAMUEL 25:13

David naw k’bäi ne, “Nami khim k’bah vä” ci sei ami van naw k’bah ci gui. David phi a khim k’bah neta, a chang phia phli cu khah püi ne, phia goi am ami khawh cham gui cu ngäng sak gui ci.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

THULÄÄN NAK 19:21

Cun ah mäih a mawng ung chimgein nak kä nami m’dang vai, m’kyuk nak cu hnun gui ah phäh ah hnun gui, mik ui ah phäh ah mik ui, ha tmat ah phäh ah ha tumat, khaw tumat ah phäh ah khaw tumat ah kyak ci.

THULÄÄN NAK 19:13

Ani am chimgein nak kä nami m’dang en vai. Shin ah chang ngawn nak cu Israel ungka naw nami nawt heng vai. Cun ung a päng avan cu nangmi ung nik khai.

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

PHYAWN NAK 22:7

“Chang tumat naw a chang paw am, yum sei, ngui baw, khawh baw, a gim sak te, a im ungka m’guk-ei naw m’gu sei, ami hmuh ah a kyak ung, m’guk-ei naw a goi ah a thung vai.

ATÜNNAK 45:18

Ami pa la ami paw gui khü u ne ami law ba vai, Egypt khaw ung khaw akni pi ka pe gui khai, ami m’hni ah gah tang u ne om khai gui nei.

MATTHE 24:17

Im kiung khan ah om ciah chang cu im kyong ah khawh la ba khai ah kä lut-en ba sä.

ATÜNNAK 20:15

Ani naw Abraham am, “Shin ah khaw avan cu kei ah khaw ne, a hawi phi na m’hni nak ung om ä” cine pyen nak ci.

ATÜNNAK 45:19

Cun kawn ah na m’cäi ba gui vai cu, Egypt khaw ah ka ng’sela gui hteh püi u ne, ami chu gui, ami hta gui la ami pa phi ami law püi vai nei.

ATÜNNAK 45:21

Jakob ah hta gui naw ami m’cäi gui ah mäih ah bik ci gui. Ghangpughang ah pyen ah mäih ah Joseph naw ng’sela gui pe gui ne ei phi m’sho gui ci.

ATÜNNAK 47:6

Egypt khaw cu ngami ah khaw ah kyak ci nei, a hmun ni pi Koshen khaw ung om sak gui ä. Ngami ungka khüighat ci a om ah a kyak ung ka htome gui shäm khai ah tängpang sak ä” cine m’cäi ci.