ATÜNNAK 45:16 - Cho Bible Common Language 2016

¹⁶ Joseph ah phäinau gui ami law ah mawng cu mang im kyong ah ng’thang law khäta, ghangpughang la a bawi gui cu yeikyai ci gui.

ATÜNNAK 45:16 Referans Kwoze

LAMKTU 7:13

Ak hnih vei nak ami law ba ung Josef naw a phäi gui naw ami hmat vai ah m’ thein gui ci. Egypt ghangpughang naw phi Josef ah kyongkhui ah mawng cu hmat lawk ci.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

ESTA 5:14

Cun ah kyasei a chu la a teihpüi gui naw m’cäi tu u ne, “Nang naw ng’awh k’tung, metre m’ku lei goi ah hlüng ci cu, ng’lin sak gui ä. Ngawi ung khaw ngawi shin ah tung ung, Mordekai cu m’awh vai ah ghangpughang ah na k’thäh vai, cun kawn ah nang cu mang ei ei vai ah yeikyai ne na hteit khai nei” cik ci gui. Haman naw cun ah ami pyen cu bä ciah ngai neta ng’awh tung cu ng’ling ci.

ESTA 2:4

Cun kawn ah nang naw na m’hni pi ah hnumi hta cu la ne Vashti ah hnün ung ghangpughangnu ah na tha ba vai nei.” Ghangpughang naw cun ah m’shüm thein nak cu yum neta, ani naw acun ah bik ci.

ESTA 1:21

Ghangpughang la abawi gui naw cun ah a pyen cu yum u neta, Memukan naw a pyen ah mäih ah ghangpughang naw bik ci.

2 SHONTÄP NAK 30:4

Ghangpughang la chang gui cu cun ah pawng püi u ne yeikyai ci gui.

2 SAMUEL 3:36

Ngami naw cun cu m’hnüt u neta, yei ci gui. Akcang ah ghangpughang naw abi phung cu chang gui naw yei nak ci gui.

THULÄÄN NAK 1:33

Ani cu angtäi sei nami ma ung hteit ne, nangmi hmawk ah shaum pigaw nami co nak vai ana shui ci. Lam ning m’shüm gui khai ah khawmü ah mei däi ah kya ne, khaw hnüüp ung mei von ah kya ne nami ma ung hteit ci.

ATÜNNAK 41:33

“Tuhbäi cüivai lunglang ciah chang ghü ne kho avan ap ne ngäng sak ä.

ATÜNNAK 34:18

Cun ah ami pyen cu Hamora la a hta Shekhem naw yum ni neta,

ATÜNNAK 20:15

Ani naw Abraham am, “Shin ah khaw avan cu kei ah khaw ne, a hawi phi na m’hni nak ung om ä” cine pyen nak ci.

ATÜNNAK 16:6

Abram naw, “Ani cu nang ah changshäm ah kya ne, nang ah kut kyong ung om ci, ani ah khan ah na bi hlü na bi vai” cine Sarai am pyen nak ci. Cun kawn ah Hakarah cu Sarai naw shedam na khätah dawng ci.

ATÜNNAK 45:15

A phäi gui tumat cicu kyap ne ng’ui gui khäta, a phäi gui naw ng’thu püi ci gui.

ATÜNNAK 45:17

Ghangpughang naw Joseph am, “Na phäinau gui pyen na gui ä, ani ng’sela ung phuih taih ne Kanaan khaw ah hteit ba u sä.

ATÜNNAK 41:37

Cun cu ghangpughang la a bawi gui naw ng’ge na u neta, ghangpughang naw a chang gui am,