ATÜNNAK 45:15 - Cho Bible Common Language 2016

¹⁵ A phäi gui tumat cicu kyap ne ng’ui gui khäta, a phäi gui naw ng’thu püi ci gui.

ATÜNNAK 45:15 Referans Kwoze

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

LAMKTU 20:37

Ngami naw Paul cu, kyap ne kyawp ne, ng’uui hnam u ne, gidam ci gui.

SAM 77:4

Amü pum ka ci m’gang khai ah na ngung ci; Ng’ä ai aih ne kä ka ng’thu hlawt ci.

2 SAMUEL 14:33

Cun ah kyasei Joab cu Ghangpughang David ah hteit ne Absalom ah pyen cu m’thein ci. Ghangpughang naw chang tüi ne Absalom cu khü ci. Absalom cu hteit ne, ama ah m’dek ung kawp ne, chang m’sui ci. Ghangpughang naw dou ne ng’ui ci.

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

RUT 1:14

Ngani cu kyap ba mä ci goi. Orpah naw acei ah nu cum’hnam, yavaih na neta, a im ah hteit baci, cun ung phi Ruth cu a pei ah om lä ci.

RUT 1:9

Nang ni cei mah ba ni ne im lo khäng sei nani om vai ah Bawipa naw ning m’htei goi sä,” cine kya na goi ci. Cun kawn ah Naomi naw ng’ui goi ne ya vaih na goi ci. Cun ung phi ngani cu kyap ni neta,

PHYAWN NAK 4:27

Cun sang ung Bawipa naw Aaron am, “Moses na hmuk khai ah bung ah hteit ä” cik ci. Cun ah kyasei ani hmuk khai ah khomhtung theing ah hteit ci, ani naw Moses cu hmu neta ng’ui ci.

ATÜNNAK 45:2

Ani cu m’lau ne kyap khäta, Egypt chang gui naw ng’ya u ne, mang im kyong ah khüt sei pyen ci gui.

ATÜNNAK 33:4

Esau cu dawng law neta Jakob cu kyawp ne ng’ui sei ani nik hnih kyap ci goi.

ATÜNNAK 29:13

Apa naw atu Jakob ah mawng ng’ya neta, ana dou khai ah dawng ne, ana kyawp ne, ng’ui neta a im ah hteh püi ci. Jakob naw Laban am a mawng avan cu m’thein tu khäta,

ATÜNNAK 29:11

Cun kawn ah Rachelah cu ng’ui neta yei aih ne kyap ci.

ATÜNNAK 42:24

Joseph cu va lut ba neta kyap ci. Büiba neta lut law ba ne ami ma ah Simeon cu khit ne k’pawn sak gui ci.

ATÜNNAK 45:14

Cun kawn ah anau Benjamin cu kyawp ne kyap sei, Benjamin naw phi kyawp tuba ne kyap ci.

ATÜNNAK 45:16

Joseph ah phäinau gui ami law ah mawng cu mang im kyong ah ng’thang law khäta, ghangpughang la a bawi gui cu yeikyai ci gui.

ATÜNNAK 46:29

Joseph cu ng’sehle ng’cum ne apa hmuk khai ah Koshen ah lawk ci. Ng’hmu law ni neta, Joseph naw apa cu a hnü ung kyawp ne aksho kyap ci.