ATÜNNAK 45:1 - Cho Bible Common Language 2016

¹ Joseph naw am lung kä k’üüp law ba hlawt neta, a changshäm gui cu a hei ah hteh sak gui ci. A pei ah a u kä om ba khäta, ani a u ah a kyak cu a phäi gui am m’thein gui ci.

ATÜNNAK 45:1 Referans Kwoze

MATTHE 18:15

Na phäi nau naw a ning katnak ung, katnak am dang thei vai ah a om nak ah na hteh vai. Nani mät ng’hmu ni ne na ning lak mah nak cu naning ge nak vai. Na thu ang ngaih ung naning gei ba khai.

1 KORIN 13:5

M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

LAMKTU 10:41

Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

ISAIAH 42:14

Khanpughi naw pyen ci, “Khaw akshou ung düm ah ka om ci; ka chang gui kä ka m’shang gui ci. Cun ung phi tuhbäi hnün thawh nak vai ah akhin gawk lawk ci nei; Nau poi m’neh ciah hnumi ah mäih ah kei ka m’lau ci nei.

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

LAMKTU 7:13

Ak hnih vei nak ami law ba ung Josef naw a phäi gui naw ami hmat vai ah m’ thein gui ci. Egypt ghangpughang naw phi Josef ah kyongkhui ah mawng cu hmat lawk ci.

ATÜNNAK 44:34

A hmaw kä hteh püi ba ne, a i cha ah kapa ah ka hteit ba khai aw? Kapa ah thüisei khükha vai cu kä ka hmu hlük ci nei” cik ci.

2 SAMUEL 13:9

Hlaw am ungka a ei vai ah lawh pek ci, cun ung phi kä ei ci. Ani naw, “Chang gui a hei ah hteit u sä” ci sei, a hei ah hteit yawp ci gui.

ATÜNNAK 42:24

Joseph cu va lut ba neta kyap ci. Büiba neta lut law ba ne ami ma ah Simeon cu khit ne k’pawn sak gui ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.