ATÜNNAK 44:9 - Cho Bible Common Language 2016

⁹ Bawi aw, m’guk ci na hmuh ah a kyak ung a cun ah chang cu sih nak pe ä, k’pawih ba ci avan cu na changshäm ah kami om khai nei” cik ci gui.

ATÜNNAK 44:9 Referans Kwoze

ATÜNNAK 31:32

Cun ung phi na khanpughi gui lak ci läi cu na hmuh ah a kyak ung na ngawn vai nei. Ka chang gui cu saksi vai nei. Ami van zap ne shui gui neta, na kaa a om ah a kyak ung na lak ba vai nei” cine pyen nak ci. Rachelah naw Laban ah khanpughi gui am guk cu Jakob naw kä hmat ci.

LAMKTU 25:11

Ak cangah thukhän khep ne, sih nak vai khin ciah katnak ka bi ah a kyak ung, nami nam gein vai ah kä ka ng’yoi khai nei. Cun ung phi ngami ah nak sung nak cu kä akcang ah a kyak läi ung a u naw phi kei cu ngah mi ah kut ung kä na ap hlawt khai nei. Kei cu ghangpughang ah ka ng’coipaa ci nei” cine pyein ci.

ATÜNNAK 44:16

Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.

ATÜNNAK 43:18

Im ah ami gawk kawn ah ngami cu kyi law u neta, “Shin ung ami na law püi gui cu, zan ung mi ng’ip ung mi hteh püi ba ah hmawk ah kyak khai. Mikmi cu ang ghit ah na pha gui ne, changshäm ah na hmoh gui ne, mi laa gui phi avan lak khai gui nei” ciah ngai ci gui.

ATÜNNAK 44:10

Ani naw, “Ka yum ci, cun ung phi khap lak ciah chang bäng cu ka changshäm ah kya sä, k’pawih ci gui cu phyawng ne hteit ba vä” cik ci.