ATÜNNAK 44:8 - Cho Bible Common Language 2016

⁸ Na hmat ah mäih ah kami ng’ip ung om ciah ngui phi Kanaan khaw ah ka kami law püi ba nei. A i ah kyasei keimi naw na bawi ah im ungka ngui ghui kami m’guuk vai ang?

ATÜNNAK 44:8 Referans Kwoze

ROMAN 13:9

A i ah kya sei ci ung, “Chang ah k’chuhta kä na kat püi vai, chang kä na ngawn vai, kä na m’guuk vai, chang ah khawh kä na ng’yak hlü düt vai,” ciah thukhän gui la a hei thukhän avan cu, “Na chang paw cu na mät awn m’täng ne nam hni vai,” ciah thukhän naw avan a khüm yawp ah kyak ci.

MATTHE 19:18

Acun ah chang naw, “A i thukhän gui ang?” cine ng’shi ba khätah, Bawipa Jesuh naw, “Chang kä na ngawn vai, chang ah chu hta kä na kat püi vai, kä nam guuk vai, käng düng ciah kä na saksi vai;

THULÄÄN NAK 5:19

“Kä na m’guuk vai.

PHYAWN NAK 20:15

“Kä na m’guuk vai.

ATÜNNAK 44:7

Ngami naw ani am, “Bawi aw, a i ah kyasei cu cha ah na pyen ang? Keimi kami ng’gun ci, cu cha ah kä kami kyak ci nei.

ATÜNNAK 43:12

Ngui phi a goi ah nami hteh püi vai, nami ng’ip ung nami law püi ah ngui phi nami hteh püi ba vai, cun cu nami hma ah kya khin ci nei.

ATÜNNAK 42:35

Ami van naw ami htang ip phian law u khäta, ami ng’ip phäh phäh ung ami ngui om bäng bäng sei hmu u neta, ami pa mah ah ami van cäi ne kyik ci gui.

ATÜNNAK 42:27

Lam ah ami ih nak ah tumat naw ang ip phian ne laa am a vuh vai htang la neta, ang ip khui ah ngui om sei hmuk ci.

ATÜNNAK 42:21

Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.

ATÜNNAK 43:18

Im ah ami gawk kawn ah ngami cu kyi law u neta, “Shin ung ami na law püi gui cu, zan ung mi ng’ip ung mi hteh püi ba ah hmawk ah kyak khai. Mikmi cu ang ghit ah na pha gui ne, changshäm ah na hmoh gui ne, mi laa gui phi avan lak khai gui nei” ciah ngai ci gui.