ATÜNNAK 44:20 - Cho Bible Common Language 2016

²⁰ Keimi naw, “Kami pa om ci, ghi lawk ci, pa a ghi kawn ung a hta nak kami nau a hmawpi om ci. Nu ät ah hta gui ungka a phäi cu si pyi ci, ani bäng om ba sei apa naw anghtei ah m’hni ci.”

ATÜNNAK 44:20 Referans Kwoze

ATÜNNAK 37:3

Jakob naw Joseph cu a ghi kawn ah a hta nak ah kyasei, a hta gui avan ah ta m’hni pi ci, nipi ciah suinu phi m’sui ci.

ATÜNNAK 42:38

Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.

LUKA 7:12

Gaw m’kawt pei ah ami gawk law yah ung chang gui naw gook kawt ne ana luh law püi u sei chang akda naw ana läk lawk ci gui. Cun cu hmeinu ah a hta tumat hta te sik ciah kyak ci.

ATÜNNAK 49:8

Judah, nang cu na phäi gui naw ning m’hlüngtai khai gui, Na ga gui ami gawn ung na k’pang gui khai. Na phäinau gui na ma ah kawp khai gui.

ATÜNNAK 46:21

Benjamin ah hta gui cu; Bela, Becher, Ashbela, Kera, Naaman, Ehi, Rosh, Muppim, Huppim la Ard ah kyak ci.

ATÜNNAK 42:36

Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.

ATÜNNAK 42:13

Ngami naw, “Bawi aw, keimi cu ng’phäi nau gha lei goi kami lawk ci, Kanaan khaw ah ka tumat ah na hta gui nei. Kami nau tumat cu sik ci, a hmaw pi tumat cu kami pa awn om ci goi” cine pyen ci gui.

ATÜNNAK 37:19

Teng vä, ang mang bä cicu lawk ci nei, cine ami mät ng’htau ci gui.

ATÜNNAK 35:18

Rachela naw si law vai neta, a hta cu “Benoni” ah aming sui ci, apa naw läi “Benjamin” ah sui ci.