ATÜNNAK 44:2 - Cho Bible Common Language 2016

² A hmaw pi ah ng’ip ung kei ah ka ngui khap la a ngui cu m’khäh peä” cine m’cäi sei a cun ah bik ci.

ATÜNNAK 44:2 Referans Kwoze

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

THULÄÄN NAK 13:3

a ni cu api ah phi kä nami cun ngaih en vai nei. Bawipa nami Khanpughi naw a ning m’nüm nak gui vai ah ani a mang ah kyak ci. Bawipa cu nam lung kyong avan awn nam hni la kä cun cuh a hmuh nak vai ah kyak ci.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

ATÜNNAK 43:32

Joseph cu tawnglang tumat ung ngok ci, a phäinau gui cu tawnglang tumat ung ngok ci gui. Egypt chang gui cu a hei ung ngo tu hnga ci gui, a i ah kyasei ci ung Egypt chang gui cu Hebru chang gui awn vun ne kä ei hlük ci gui.

ATÜNNAK 42:20

Cun kawn ah nami nau a hmawpi cu kei ah nami law püi vai nei. Cun ung nami cang nak dang sei, kei naw kä ka ning sih sak gui khai” cine pyen na gui ci. Cun cu ngami naw yum ci gui.

ATÜNNAK 44:1

Joseph naw kyong ung tängpang ciah a chang am, “Ami phui hning ah ami phuih vai ah ami ng’ip ung htang m’khäh pe gui ä, ami ng’ip mawng ung ami ngui phäh phäh m’khäh pe ba gui ä.

ATÜNNAK 44:3

A ngawi ung khawngawi hta ng’phäi nau gui cu ami ng’sela gui mah ah tüi ba gui ci gui.

ATÜNNAK 44:12

Joseph ah changshäm naw ang vaipi ung tün ne, a hmaw pi ung khüt khai ah geing na ne shui gui neta, khap cu Benjamin ah ng’ip ung hmuk ci.

ATÜNNAK 42:25

Joseph naw k’bäi ne a phäi gui ah ng’ip avan ung htang be sei m’khäh sak gui ne, ami ei vai phi m’sho sak gui sei, a chang gui naw a cun ah bik ci gui.