ATÜNNAK 44:18 - Cho Bible Common Language 2016

¹⁸ Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei.

ATÜNNAK 44:18 Referans Kwoze

PHYAWN NAK 32:22

Aaron naw, “Kei ah khan ah kä na m’lungshe en vai nei. Shin ah chang gui naw a i hlawk ah akshe ami bi hlü cu nang naw na hmat ci nei.

ATÜNNAK 41:40

Ka khaw avan ka ning uk sak khai, ka chang avan naw na ng’thu läk khai gui nei. Kei ah kawn ah nang ah huham cu aktung ah kyak khai nei.

ATÜNNAK 18:30

Abraham naw, “Bawipa ka pyen bamä khai, na m’lung kä she en sä, chang ni thumkip bäng a om ung mä” ci ba ci. Ani naw, “Chang ni thumkip a om ung kä ka m’di khai nei” ci ba ci.

ATÜNNAK 41:44

Ghangpughang naw ani am, “Kei cu ghangpughang ah ka kyak ci, nang ah yum nak kä om ciah Egypt khaw ung a u chang naw phi a kut khaw kä a chaan en vai” cine pyen nak ci.

ATÜNNAK 18:32

Abraham naw, “Bawipa, kä m’lungshe en ä bäi, hnü ät bäng ka pyen ba khai, changni sing gha bäng a om ung mä” cine ng’yoi ba ci. Bawipa naw, “Chang ni gha a om ung kä ka m’di khai nei” ci ba ci.

LAMKTU 2:29

“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci.

JOHAN 5:22

Apa naw a u phi kä m’khoi m’chak ci. Cun ung phi a Htapa-am düng sei m’khoichaa nak nüng cu pek ci.

DANIEL 5:19

Ani cu dämduh aih sei chang pakhui, chang pahta, chang nü avan naw kyihkyawk u ne, ng’hlet ci gui nei. Ani naw chang a ngawn hlü nüng ngawn ci, am ghin hlü nüng m’ghin ci, am tamkhah hlü nü m’tamkhah ci, am shuk chak hlü nü m’shuk chak ci.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

JOB 33:31

Tuhbäi, Joba, ka pyen cu ngai ä, Düm ah om ä, kei ka ng’htau khai nei.

ESTA 1:12

Ghangpughangnu Vashti am changshäm gui naw ghangpughang ah thumkhän cu m’thein u khäta, ani cu ma ne kä lawk ci. Cun naw ghangpughang cu m’lungshe sak ci.

2 SAMUEL 14:12

Hnumi naw, “Na bä ni, ka bawi mang, tumat hta bäng na pyen ba sak ä” cik ci. Ani naw, “Pyen ä” cik ci.

ATÜNNAK 37:7

Mikmi cu lai ma ah htang aat ne mi pawk yah ung, kei ah htang pawk cu ng’düi law khäta, nangmi ah htang pawk gui naw, koi ne khawihnah ci gui” cine pyen ci.

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

ATÜNNAK 44:17

Joseph naw, “Ka nei, cu cha kä ka bik khai nei. Khap hmuh nak ah chang bäng vah ka changshäm ah hmoh vai nei, k’pawih ba ci gui cu nami pa ah phyawng gai ne hteit ba vä” cik ci.

ATÜNNAK 37:6

Ani naw, “Ka ng’mang ka shui khai, ngai vä.