ATÜNNAK 44:17 - Cho Bible Common Language 2016

¹⁷ Joseph naw, “Ka nei, cu cha kä ka bik khai nei. Khap hmuh nak ah chang bäng vah ka changshäm ah hmoh vai nei, k’pawih ba ci gui cu nami pa ah phyawng gai ne hteit ba vä” cik ci.

ATÜNNAK 44:17 Referans Kwoze

NG'THU K'THUUK~ 17:15

Changnim’kyuk ci la changshe m’hlawt ci — ani nik hnih cu Bawipa naw thui nak ci.

SAM 75:2

Khanpughi naw, “M’kho m’cha nak vai ah khin cu kei naw k’bäi ne, düng nak awn ka m’khoi m’chak khai nei.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

ATÜNNAK 26:29

Nang naw phi kä na na plawh kheih gui vai, keimi naw phi kä kami ning plawh kheih khai. Keimi naw kami ning m’hni ci nei, akding gei ah na hteh ba sak gui ä. Nang cu Bawipa naw hriham a pek ah na kyak ci nei” cik ci gui.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

ATÜNNAK 44:16

Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.

ATÜNNAK 44:18

Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei.

ATÜNNAK 44:10

Ani naw, “Ka yum ci, cun ung phi khap lak ciah chang bäng cu ka changshäm ah kya sä, k’pawih ci gui cu phyawng ne hteit ba vä” cik ci.