ATÜNNAK 43:9 - Cho Bible Common Language 2016

⁹ Kei naw ka hnun gui ka kyäng khai nei, ani ah phäh ah kei na na lak vai, ghing phyawng sei nang ah kä ka law püi ba ah a kyak ung kei naw angtäi sei ka shetkat nak khai nei.

ATÜNNAK 43:9 Referans Kwoze

ATÜNNAK 42:37

Reuben naw apa am, “Benjamin cu kä ka law püi ba ah a kyak ung ka hta gui cu na ngawn gui vai nei, kei am na ap ä, ka law püi ba khai nei” cik ci.

HEBRU 7:22

Cun ah kä a täng nak awn Bawipa Jesuh cu bä pi ciah thukhän küikyan ciah kya lawk ci.

EZEKIEL 33:8

Chang shekha cu si lawk khai nei cine kei naw ka ng’shäu ah a kyak ung, cun ung phi ani a om ih am thawng vai ah nang naw ng’thu kä k’bäi ci sei, ani naw a hnun kä hun hning ne, akat nak awn a sih ah a kyak ung, ani ah sih nak cu kei naw nang am ka ning ma na sak khai.

EZEKIEL 33:6

A i ah a kyak ung phi, ga gui ami law cu gawkngäng naw hmu neta, m’thawh let nak kä a tum ah a kyak ung, ga gui naw law ne cun ah kak ciah chang gui cu law ne ngawn khai gui, cun ung kei naw ngami ah sih nak cu, gawkngäng am ka ma na sak khai.

EZEKIEL 3:20

Akcang ah changnitumat naw shetkat nak a bi law ah a kyak ung kei naw khüi kha nak ung ka thun khai, nang naw ng’thu kä nak na k’bäi ung, ani cu sik khai. Ani cu a katnak ah phäh ah sik khai-ani naw akni abi gui man cu kei naw kä ka shüm ba khai-ani ah sih nak cu nang am ka ning ma na sak khai.

EZEKIEL 3:18

Kei naw chang shekha cu sik khai cine ka ng’shäu ah a kyak ung, ani ah hnun gui a phiawn nak hning vai ah a hteh nak am thawng vai ah nang naw ng’thu kä na k’bäi ah a kyak ung, ani cu kak ciah chang ah kya ne sik khai, ani ah sih nak cu nang naw na ma nak vai kyak khai.

SAM 119:122

Na changshäm na m’htei vai ah shai yuk ta law ä; chang omshe gui naw kei cu kä na yawshe en na u sä!

JOB 17:3

Kei cu ka htingling ci nei, Khanpughi aw, ka ng’thu na dou peä. Kei ah ng’thu nak püi khai ah chang a u phi kä om ba ci nei.

1 GHANGPUGHANG GUI 1:21

Cun ah kä na bi ah a kyak ung, nang na sih vai am ka hta Solomon la kei cu kä bekhüt ciah pyen ne na pha goi khai gui nei.”

ATÜNNAK 31:39

Htawme k’ei hngei naw a lawh ung phi kä ka ning m’hnuh man ci, kä ka chaw nak khai, kä ka ci man ci. Mü ah phi, hnüüp ah phi chang naw am guk ung na na m’thung sak man ci.

ATÜNNAK 9:5

Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

LUKA 11:50

Tuhchü chang gui cu khomdek ang tüi law ung tün ne, profet gui ami ngawn gui ah hmawk ah hma m’kyuk nak gah khai gui.

ATÜNNAK 43:10

Ak sho aih kä kami gin ah a kyak vai sü ung hnih vei hteit ne kami ng’hlat law ba pyi khai süte” cik ci gui.

2 SAMUEL 14:9

Ani naw, “Ka bawi mang, nang naw na bi phung, katnak cu kei ah kyongchang la kei naw kami k’chaw nak khai nei. Nang la nang ah mangkiang kyongchang cu ni nak om ci” cik ci.