ATÜNNAK 43:3 - Cho Bible Common Language 2016

³ Judah naw ani am, “Cun ah chang naw akghat ah nak bäi gui ne, nami nau kä nami law püi ung ka ma ah kä nami law en ba vai” ci pyi ci.

ATÜNNAK 43:3 Referans Kwoze

ATÜNNAK 44:23

Nang naw, “Nami nau a hmawpi kä nami law püi ung ka ma ah kä nami law en ba vai” na cik ci.

ATÜNNAK 43:5

Kä na tüih tu läi ung kä kami hleih khai nei. A i ah kyasei ci ung cun ah chang naw nak bäi gui ne, kami nau kä kami hteh püi ung, kä kami hteh ba vai ah pyen pyi ci nei” cik ci.

LAMKTU 20:38

Paul naw, “Kei cu cän kawn ah kä nami na hmu ba khai” a ciah hmawk ah ang htei ah thüi sei yaica ci gui. Cun kawn ah ngami naw htinpaw ah khüt ne tha tuk ci gui.

LAMKTU 20:25

Kei naw hteit shüi shüi ne nami ng’lung ah, Khanpughi ah uk nak kho ah mawng cu ka pyein pyi ci. Cun ung phi nangmi ungka a u phi kei na hmu law ba khai kä om ciah ka hmat ci.

LAMKTU 7:34

Ka chang gui Egypt khaw ah ami shedam nak gui cu, ka hmu pyi ci nei, Ngami ah ng’hlaw ng’ei m’lau ng’pyan phi kang yah pyi ci nei. Cun ah kyasei ngami ka hun gui khai ah ka kyum law pyi ci, Tuk bäi law ä, Egypt khaw ah ka ning tüi khai” cik ci.

2 SAMUEL 14:32

Absalom naw, “A i ah kyasei ci ung chang ka tüih law yah ung kä na law ah phäh ah kyak ci. Nang cu ghangpughang ah na hteh vai, kei ah ng’shi nak na m’thein vai ka ng’ya hlük ci, “A i ah kyasei kei naw Geshur hteh ta ne, shia ah ka law ang? Kei ah phäh ah cau ah ka om cu bä pi khai nei.” Absalom naw pyen ba ne, “Ghangpughang ka hmuh vai ah na na ci tu pek vai ah ka ng’ya hlük ci nei, kei ka hma nak a om ah akiak ung, ani naw kei cu na ngawn sä” cik ci.

2 SAMUEL 14:28

Absalom cu Jerusalem ung ghangpughang kä hmuh ah khaw kum goi ung om ci.

2 SAMUEL 14:24

Ghangpughang naw thu k’bäi ne, Absalom cu mang im ung kä a om tu vai ah pyen ci. Ghangpughang naw, “Ani kä ka hmu hlük ci” cik ci. Cun ah kyasei Absalom cu amät ah im ung om ne, ghangpughang ah ma ah kä ng’dang phung ci.

2 SAMUEL 3:13

David naw, “Bä khai, kei naw nang awn mawng ät awn ngünkyük nak ak bik khai: nang naw kei ah na law ah a kyak ung Saul ah hta hnumi Michala cu na law püi vai.”

ATÜNNAK 43:2

Jakob ni kyong naw Egypt ah ka ami phuih law ah ei cu, ng’pyi law khäta, Jakob naw a hta gui am, “Mi ei vai api hteit ne khleih tuba vä” cik ci.

ATÜNNAK 43:4

Kami nau na tüih tu hlü ah a kyak ung va, hteit u ne na ei vai kami hleih lawk khai.