ATÜNNAK 43:29 - Cho Bible Common Language 2016

²⁹ Joseph naw anau Benjamin cu hmu neta, “Shin cu nami pyen ah nami nau a hmawpi ma, ka hta aw, Khanpughi ning m’htei sä” cik ci.

ATÜNNAK 43:29 Referans Kwoze

KHEI NAK 6:25

Bawipa naw ning k’dük gui ne ning m’gein gui sä.

ATÜNNAK 42:13

Ngami naw, “Bawi aw, keimi cu ng’phäi nau gha lei goi kami lawk ci, Kanaan khaw ah ka tumat ah na hta gui nei. Kami nau tumat cu sik ci, a hmaw pi tumat cu kami pa awn om ci goi” cine pyen ci gui.

HEBRU 13:1

Krihta ah kya ne tumat la tumat nami yumhni tu vai nei.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

MAKUH 10:24

Ang düihpüi gui cu Bawipa Jesuh ah ng’thu ng’ya u netah, ngai khit ci gui. Cun kawn ah Bawipa Jesuh naw, “Ka hta gui aw, Khanpughi ah kho ah gawk vai cu khak aih ci nei!

MATTHE 9:22

Bawipa Jesuh naw ng’hlat ne va teng ne cun ah hnumi cu hmu netah, “Ka hta hnumi kä ng’ä ai ä, na yum nak naw ning gai sak pyii ci nei,” cik ci. Acun vai-am cun ah hnumi cu gai ci.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MALAKHI 1:9

Tuhbäi tagü gui aw, mikmi ah khan ah ani vai ah Khanpughi cu ng’shi thäh vä. Ani naw nami taigü kä ning m’shang gui khai nei. Cun cu nami katnak ah kyak khai.

ISAIAH 33:2

Bawipa, na chimgein gui ä. Keimi ah ngaih u nak nang ung om ci nei. A hnüüp tä na shungvong gui ä, khüi kha nak ah khin ung an hun gui ä.

ISAIAH 30:19

Nangmi Jerusalem ung om ciah chang gui kä nami kyap ba khai. Bawipa naw ning geng khen gui ci, aning m’htei gui vai ah nami kyah ung ning m’shang gui khai nei.

SAM 112:4

Changni ah hmawk ah a hmüp nak ung akdei cu ng’shü ci, Ngami cu chimgein nak, m’hni nak la düng nak om ciah kyak ci.

SAM 111:4

Bawipa naw cäicat vai ah a hnünthawh gui cu kä na m’hnih sak gui ci; Ani cu lo’dük nak chimgein nak ah kyak ci.

SAM 67:1

Khanpughi, na chimgein gui ne, hriham na pe gui ä; na k’dük nak awn na teng gui ä,

2 SHONTÄP NAK 29:11

Ka hta gui aw, kä nami shokshü vai. Nangmi cu Bawipa ah ma ah tui ng’ui m’khih u ne, ani khawihnah nak ung chang gui nami matawn khai ah Bawipa naw a ning ghü gui ah kyak ci.”

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

ATÜNNAK 45:8

Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.

ATÜNNAK 42:11

Keimi kami van ng’phäi nau gui nei, keimi chang ni gui nei, kä kami ng’tä ci nei” cik ci gui.

ATÜNNAK 35:24

Rachela ah hta goi cu, Joseph la Benjamin ah kyak ci.

ATÜNNAK 44:21

Nang bawi naw shia ah kami law püi vai pyen ci sei, law püi u ngä sei na hmuk ci.