ATÜNNAK 43:23 - Cho Bible Common Language 2016

²³ Changshäm naw, “Kä kyi vä! Kä ng’ä vä! Nami Khanpughi, nami pa ah Khanpughi naw nami ng’ip ung ngui a ning pek gui nei. Nami ngui cu ka dou ci nei” ci neta Simeon cu law püi ba ci.

ATÜNNAK 43:23 Referans Kwoze

ATÜNNAK 42:24

Joseph cu va lut ba neta kyap ci. Büiba neta lut law ba ne ami ma ah Simeon cu khit ne k’pawn sak gui ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

LUKA 24:36

Cun ah a mawng gui cu ang düihpüi goi naw ami m’thein tu gui yah ung, Bawipa Jesuh cu ami lung ah dang law netah, “Nangmi ung Ding gei nak om sä” cine pyein ci.

LUKA 10:5

A u ah im ung phi nami luh ah a kyak ung, “Shin ah kyong khui ung ding gei nak om sä” cine nami taigü vai.

ATÜNNAK 42:28

Ani naw aphäi nau gui khü gui neta, “Ngui cu law püi ba en ah kyak ci nei, ka ng’ip khui ah om ei ci nei” cik ci. Ngami cu ng’hlet ne cäicat u neta, “Khanpughi naw mikmi ah khan ah a i hawkcha bii a bi ang?” cine ng’htau ci gui.

EZRA 4:17

Ghangpughang naw shicha ah m’shang gui ci, “Rehum, uktu bawi, khopäng bawi Shimshai la Samaria la Uphratis akhei täng ung om ciah ami paw chang gui, ning yavaih nak gui nei.

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.

1 SAMUEL 25:6

Ani naw m’cumcäi gui ne Nabala am a pyen sak gui cu: “David naw yavaih nak ak ning m’khäh lawk ci nei, ka teihpui, nang, na kyongchang la na khawk avan ah khan ah yeikyai nak om ci nei.

SUKI GUI 19:20

A ghipa nu naw, “Ka im ah ka ning khü ci nei! Kei naw ka ning m’htei khai nei; nang khaw k’awng düt ung kä na ip khai nei” cik ci.

SUKI GUI 6:23

Cun ung phi Bawipa naw ani am, “Dimdeeih sä, kä na kyih vai nei. Nang kä na sik khai nei” pyen nak ci.

ATÜNNAK 43:14

Cun ah chang ah m’lung kyong ung nangmi a ning yei nak gui vai ah hlüngtai ciah Khanpughi naw bii bi sä! Nami phäi tumat la Benjamin phi ning pe ba gui sä. Kei ah hmawk ah ka hta gui cu maih khai gui ah a kyak ung, maih khai gui ah va kya khai nei” cine m’cäi gui ci.

ATÜNNAK 42:36

Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.

ATÜNNAK 43:22

Cun kawn ah ei kami khleih nak vai ngui phi kami m’kang ci nei. A u naw kami ng’ip ung ngui am khäh ba cu kä ka mi hmat ci nei” cik ci gui.

1 SHONTÄP NAK 12:19

Manasseh pakhui ungka gakap amshah gui cu David täng ah lawk ci gui, Cun sang ung David cu philistin gui awn a täng ah ghangpughang Saul tuk khai gui ah hteit ci gui. Akcang ah ani naw philistin gui cu kä bawm gui ci, ani naw a bawi mante Saul am a ap gui vai ah ami ghangpughang gui cu ng’ä u neta, ani cu Ziklak ah ami tüih ba ah kyak ci.