ATÜNNAK 43:18 - Cho Bible Common Language 2016

¹⁸ Im ah ami gawk kawn ah ngami cu kyi law u neta, “Shin ung ami na law püi gui cu, zan ung mi ng’ip ung mi hteh püi ba ah hmawk ah kyak khai. Mikmi cu ang ghit ah na pha gui ne, changshäm ah na hmoh gui ne, mi laa gui phi avan lak khai gui nei” ciah ngai ci gui.

ATÜNNAK 43:18 Referans Kwoze

ATÜNNAK 42:35

Ami van naw ami htang ip phian law u khäta, ami ng’ip phäh phäh ung ami ngui om bäng bäng sei hmu u neta, ami pa mah ah ami van cäi ne kyik ci gui.

ROMAN 7:8

Kat nak naw mikmi am cun ah thukhän cu na shüm sak gui ne, mi m’lung kyong ah ng’yak hlü nak a hlü hlü cu dang sak ci. Thukhän kä a om ung katnak cu ak si ah kyak ci.

MAKUH 6:16

Herod naw Bawipa Jesuh ah bilawh gui ah a mawng cu ng’ya netah, “Ani cu Tuihnim Johan nei, kei naw alu kam chün te tuhbäi ghing ba pyi ci nei” cik ci.

ISAIAH 7:2

Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

SAM 73:16

Kei naw shin ah amawng cu ka hmat vai ah ka tha nak ci, cun ung phi cun cu

SAM 53:5

Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

JOB 30:14

Ngami cu ng’vong k’paang a pawk nak ung lut law u ne kei cu akghuih ah na tuk ci gui nei.

JOB 15:21

Ani naw kyih vai ah k’aw gui cu ak hga awn ng’yak khai, Ngaih gep vai ah om ciah a ngaih yah ung m’guk ei gui naw ani cu tuk khai gui.

SUKI GUI 14:4

Bawipa naw Philistin gui tuk nak gui vai ah a mawng cu shui ci kya ne, Samson naw shin abi vai ah Bawipa naw matawn ah mawng cu, anupa gui naw kä hmat ci gui. Cun sangung Israel cu Philistin gui naw uk ci gui.

SUKI GUI 13:22

Moanoah naw akchu am, “Mikmi cu akcang ah mi sik khai nei, a i ah kyasei ci ung mikmi naw Khanpughi mi hmuk ci” cik ci.

THULÄÄN NAK 22:17

Ani naw akaa ah hnungtuk püi nak bik ci. Ani naw ak chu nak yah ung ng’lami htüm ah kä kyak ciah pyen nak ci. Cun ung phi shin ung ka hta hnumi lami htüm ah a kyak ah mawng m’dang nak om ci. Teng vä, puikhah ca geei ung si-mek om ci.”

THULÄÄN NAK 22:14

Cun ah kya ne ani naw akaa ah hnungtuk püi ne, ngani ani chungla sangung hnumi hta cu acüm ah kä kyak ciah ng’gu k’bün khai.

ATÜNNAK 42:28

Ani naw aphäi nau gui khü gui neta, “Ngui cu law püi ba en ah kyak ci nei, ka ng’ip khui ah om ei ci nei” cik ci. Ngami cu ng’hlet ne cäicat u neta, “Khanpughi naw mikmi ah khan ah a i hawkcha bii a bi ang?” cine ng’htau ci gui.

ATÜNNAK 42:21

Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.

ATÜNNAK 43:17

A chang vai gui naw Joseph ah pyen ah bi u ne, a phäinau gui cu a im ah hteh püi gui ci.

ATÜNNAK 43:19

Cun ah kyasei im kawt pei ah ami gawk law ung,

DANIEL 6:4

Ahei tängpang ci gui la uktu gui naw Daniela ah tängpang ne a uknak ung a hma nak hmuh vai ah tha nak ci gui. Cun ung phi kä hmu hlawt ci gui, a i ah kyasei ci ung Daniela cu ba” ciah kya ne hma nak la kä düng nak cu kä bi phung ci.

ATÜNNAK 42:27

Lam ah ami ih nak ah tumat naw ang ip phian ne laa am a vuh vai htang la neta, ang ip khui ah ngui om sei hmuk ci.

ATÜNNAK 44:8

Na hmat ah mäih ah kami ng’ip ung om ciah ngui phi Kanaan khaw ah ka kami law püi ba nei. A i ah kyasei keimi naw na bawi ah im ungka ngui ghui kami m’guuk vai ang?