ATÜNNAK 43:12 - Cho Bible Common Language 2016

¹² Ngui phi a goi ah nami hteh püi vai, nami ng’ip ung nami law püi ah ngui phi nami hteh püi ba vai, cun cu nami hma ah kya khin ci nei.

ATÜNNAK 43:12 Referans Kwoze

ATÜNNAK 42:25

Joseph naw k’bäi ne a phäi gui ah ng’ip avan ung htang be sei m’khäh sak gui ne, ami ei vai phi m’sho sak gui sei, a chang gui naw a cun ah bik ci gui.

ATÜNNAK 42:35

Ami van naw ami htang ip phian law u khäta, ami ng’ip phäh phäh ung ami ngui om bäng bäng sei hmu u neta, ami pa mah ah ami van cäi ne kyik ci gui.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

1 THESSALONIAN 5:21

Apäng avan m’nüm ne k’tä netah, nik ci phung cu kut shum u ne,

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

2 KORIN 8:21

Keimi ah ng’bü nak cu Bawipa ah ma bäng ah kä kyak ciah chang ah ma ah phi ng’düng khai ah bi vai ah kyak ci.

ROMAN 13:8

Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

ATÜNNAK 43:13

Nami nau cu hteh püi vä, cun ung phi ang ghit ah ng’hlat law ba vä.

ATÜNNAK 43:21

Kami hteh ba lam ah kami ih nak ung phuih plawk law u ngäta, kami van ah ng’ip ung ngui om bäng bäng sei kami hmuk ci, a cun gui bä bä cu kami law püi ba ci nei.

ATÜNNAK 43:22

Cun kawn ah ei kami khleih nak vai ngui phi kami m’kang ci nei. A u naw kami ng’ip ung ngui am khäh ba cu kä ka mi hmat ci nei” cik ci gui.