ATÜNNAK 43:11 - Cho Bible Common Language 2016

¹¹ Ami pa naw ngami am, “Cun ah a kyak ung uk ciah bawi am nami pek vai ah, mi khaw ungka akni pi gui ah kyak ciah sing ui api, khoitui, cünggük, hei theih la sing theih gui hteh püi vä.

ATÜNNAK 43:11 Referans Kwoze

ATÜNNAK 37:25

Cun kawn ah ei ami ei yah ung Ishmaela ah chang bum gui cu tui ng’ui sing pli gui kalauk am k’phuih u ne, Kilead khaw ah kaa Egypt khaw ah hteit khai gui ah law u sei hmuk ci gui.

JEREMIAH 8:22

Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

EZEKIEL 27:17

Judah la Israel gui naw nang ah khawh cu, cuung htang, khoitui, oliv-situi la tui ng’ui awn hleih lawk ci gui.

NG'THU K'THUUK~ 18:16

Htingling ciah chang na hmuh hlü ung, m’cümhnah nak na thak vai, cun ung na hmu yai khai.

1 SAMUEL 9:7

“Ani ah ni hteh ah a kyak ung, a i ni pek khai ang?” cine Saul naw ng’shik ci. “Ni ng’ip ung ei vai k’pawih ci kä om ba ci, a hei ni peit vai a i kä om ci, a i baw om ne ma?”

LAMKTU 21:14

Paul cu m’cäi ne kä gah u netah kei mi naw, “Khanpughi ah ang yaak hlü ah kya sä” cine kami om düüt ci.

EZEKIEL 27:15

Rhodes chang gui cu nang awn sumlei ci gui: tuinu kem khawakda ung om ciah chang gui naw m’vui ha la singlim ning pe ne na khawh cu thawng lawk ci gui.

SOLOMON NG’Ä~ 8:14

Ka m’hni aw, kigang hta ah mäih ah kei ah law ä; Sing ui gui ah thawh nak ah m’htung ungka kigang nong ah mäih ah law ä.

SOLOMON NG’Ä~ 4:14

M’htubei, karavui, sing ui, kä cung sing ng’ui agü a hlü om ci. Muran la sha sing gui phi tho ci, avan cu ang ui pikbäih ah kyak ci gui.

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

NG'THU K'THUUK~ 21:14

Chang tumat naw na khan ah am lung law ah a kyak ung, adüm ah m’cümhnah nak peit nak naw dim gei sak khai.

NG'THU K'THUUK~ 19:6

A chang pang naw bawimang naw am kum vai ah k’tha nak ci, A chang pang naw m’kum nak gah ciah chang awn khawt sheng vai ah bik ci.

NG'THU K'THUUK~ 17:18

A i ka hmuhmat ciah chang naw chang tumat ah apupawng ama nak vai ah shaitak nak bi thei ci.

SAM 76:11

Nami Bawipa Khanpughi ah ma ah nami shaitak nak bi vä; Apei leng ah ka pakhui avan naw m’cümhnah nak law püi vä. Chang van naw a kyih vai ah Khanpughi naw bik ci nei;

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

SAM 68:29

cun cu ghangpughang gui naw khawihnah nak ami ning pek law nak ah Jerusalem na Taigüim ungka ah kyak ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

2 GHANGPUGHANG GUI 20:12

A cun ah a khin ung Babilonia ghangpughang Baladan ah hta Merodach Baladan naw ghangpughang Hezekiah a gaw cu ng’ya neta ca la m’cümhnah nak m’khäh lawk ci.

2 GHANGPUGHANG GUI 16:8

Ahaz naw Taigüim ungka ngui la ghui gui, mang im ungka m’küm khawh gui la ne uktubawi am m’khäh ci.

2 GHANGPUGHANG GUI 8:8

ani naw Hazela, a bawi tumat cu pyen nak ci, “Prophet am m’cümhnah nak thak neta, kei kä ka gai vai la ka gai vai ah mawng Bawipa cu ng’shi sak vä” cik ci.

1 GHANGPUGHANG GUI 15:19

“Mi pa gui ah mäih ah mi khawtgei khai nei. Shin ah ghui la ngui cu nang ah phäh ah letsawng ne. Tuhbäi Israel ghangpughang Baasha awn na ni ng’khawtgei nak cu m’shet ä, cun ung ani naw kei ah khawpäng ungka agakap gui cu la ba khai nei.”

1 GHANGPUGHANG GUI 10:25

Lawk ciah chang phung naw m’cümhnah nak law püi ci gui — ngui ni ghui ni, suinu gui, likhim gui, tui ng’ui gui, ng’se la, laa gui pe lawk ci gui. Akum tä sei acun ah pe lawk ci gui.

1 GHANGPUGHANG GUI 10:15

Cun kawn ah Sumlei chang gui ah peit ah k’phlam gui, ami sumlei nak ung taang lawk ci gui, Arabian ghangpughang gui naw ami pek law gui, Israel khopäng gui ung uktu gui ah pek law gui cu gah ci.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

1 SAMUEL 25:27

Na bä ni, saza, shin ah ka law püi ah laksawng cu dou vä, na chang gui am pe gui ä.

THULÄÄN NAK 33:14

Ami khaw cu hnishü m’theih awn hriham pe sä, Khaw akhin päng am theih aknipi awn bühmang u sä.

ATÜNNAK 43:14

Cun ah chang ah m’lung kyong ung nangmi a ning yei nak gui vai ah hlüngtai ciah Khanpughi naw bii bi sä! Nami phäi tumat la Benjamin phi ning pe ba gui sä. Kei ah hmawk ah ka hta gui cu maih khai gui ah a kyak ung, maih khai gui ah va kya khai nei” cine m’cäi gui ci.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

TAIGÜTHUM 20:24

Cun ung phi büh mang ne amdek nik ciah shin ah khaw cu, nami khäm vai ah shai ka tak ci nei, kei naw cun cu ka ning pe gui khai nei. Kei cu Bawipa nami na Khanpughi nei, kei naw nangmi cu a hei pakhui gui ungka, m’khoi ne ka ning m’düih gui khai nei.

ATÜNNAK 43:10

Ak sho aih kä kami gin ah a kyak vai sü ung hnih vei hteit ne kami ng’hlat law ba pyi khai süte” cik ci gui.

ATÜNNAK 43:15

A phäi gui naw m’cümhnah gui vai la ngui a goi cu hteh püi u ne, Benjamin khah püi ne, Egypt khaw ah hteh püi u ne, Joseph ah ma ah ng’düi ci gui.

ATÜNNAK 43:25

Ngami cu Joseph awn a täng ah ei ei khai gui ah ami m’thein gui pyi ah kya ne, hnüüp yah ung ani a law ung ami pek vai cu pawng püi ge ci gui.

ATÜNNAK 43:26

Joseph gawk law khäta ami pawng püi gui cu im kyong ah law püi ne pene, ama ah m’dek ung kawp yawp ci gui.

EZEKIEL 27:22

Sheba la Raamah ung sumlei ci gui naw nang ah khawh cu, pyülung, ghui la ang ui akni gui awn thawng lawk ci gui.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.