ATÜNNAK 42:9 - Cho Bible Common Language 2016

⁹ Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.

ATÜNNAK 42:9 Referans Kwoze

PHYAWN NAK 32:35

Cun ah kyasei Bawipa naw natnak cu chang gui ah khan ah yuk chah ci. Cun cu ngami naw Aaron am ghui vantang gup pyan vai ah ami ling nak ah phäh ah kyak ci.

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

1 SAMUEL 26:4

sübik tüi ne teng sak gui neta, Saul cu akcang ah om sei hmuk ci.

SUKI GUI 1:24

ng’däät ci gui naw mang gaw ung ka chang tumat law sei hmu u neta, ani am, “mang gaw ung luh nak ah lam nam shüm gui ä, a i ah kä kami ning cik khai nei” cik ci gui.

JOSHUA 6:23

Cun ah kyasei ngani hteit ni ne, Rahab law püi ni ne, anu la apa ni, a phäi nau gui la a kyong chang gui avan law püi ci goi. Ngami naw ami kyong chang la ami changshäm gui ami van law püi u ne, Israel gui ah phung pei ah phyawng khai gui ah tha gui ci gui.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

KHEI NAK 13:2

“Pakhui gha lei goi ungka, khui ät ungka tumat ci na ghü vai, kei naw Israel gui am ka peik gui ah Kanaan khaw ung ng’däät khai ah na tüih gui vai” cik ci.

ATÜNNAK 42:34

Nami nau a hmawpi cu kei ah nami law püi vai, cun ung nangmi cu ng’tä ciah kä kya ne, chang ni ah nami kyak ciah ka hmat khai. Nami nau phi ka ning pe ba gui khai, nangmi phi a shia ah sumlei ne nami om tu hning ci, cik ci” cine m’thein tuk ci gui.

ATÜNNAK 42:16

Tumat hteit ba ne la tuba sä. Nami om shüt ci gui cu nami ng’thu akcang ah a kyak la kä cun ah kä m’nüm pha a chuih ning ngäng gui vai, ghangpughang akcang ah ghing ne a om ah mäih ah nangmi cu ng’tä ciah nami kyak khai.

2 SAMUEL 10:3

Ammonit ng’vai gui naw ami ghangpughang am, “Shin cu David naw napa am taam nak ah, nang a ning k’büi nak ah chang gui a tüih law ah na ngai ne ang? Cun ah kä kyak ci! Ani naw a tüih law gui cu mang gaw a tuk nak vai ah ng’dät-khai gui ah kyak ci nei, cun ah kyasei ani naw na khäm gui hning ci nei!” cik ci gui.

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.