ATÜNNAK 42:36 - Cho Bible Common Language 2016

³⁶ Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.

ATÜNNAK 42:36 Referans Kwoze

ATÜNNAK 43:14

Cun ah chang ah m’lung kyong ung nangmi a ning yei nak gui vai ah hlüngtai ciah Khanpughi naw bii bi sä! Nami phäi tumat la Benjamin phi ning pe ba gui sä. Kei ah hmawk ah ka hta gui cu maih khai gui ah a kyak ung, maih khai gui ah va kya khai nei” cine m’cäi gui ci.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

MATTHE 14:31

Cun vai-am Bawipa Jesuh gawk law ne, a kut awn Peter cu pang netah, “Na yum nak ken aih ci nei, a i vai kä na ngaih gep ang,” cine pyen nak ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 38:10

Kei naw ka ngai ci, kei cu kanong sung ung, kei cu sih nak ah kho ah ka hteit vai ci nei, kei ah kahnun cukä ghing ba vai ci nei.

ISAIAH 27:9

Khoshe ah lung sonkiang gui cu khak khai ah güüt ne, khanpughinu Asherah ah m’hnüt nak kä ung, tui ng’ui sonkiang kä ah om ba kawn ung, Israel gui ah katnak cu m’geinsei nak om khai nei.

THUSHÄUTU 7:8

A mawng tumat ah khüt nak cu ang tün nak ah ta bä pi ci. M’lung sau nak cu chang ah ng’shei nak ah ta bä pi ci.

JOB 7:7

O Khanpughi, na shüm ä, kei ah ka ghin nak cu ng’ghi nak bäng ah kyak ci nei; kei ah yeikyai nak cu ng’pyi ci nei.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

ATÜNNAK 47:12

Joseph naw, apa la a phäinau gui, apa ah kyong ungka gui ami van, a hmaw pi ung khüt khai ah tu m’bei gui ci.

ATÜNNAK 45:28

Jakob naw, “Ka hta Joseph cu ghing ne om ci nei, cun cu ka ng’yak hlü pikbäih nei! Kä ka sih pha ung hteit ne ka hmu ge khai nei” cik ci.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

ATÜNNAK 42:37

Reuben naw apa am, “Benjamin cu kä ka law püi ba ah a kyak ung ka hta gui cu na ngawn gui vai nei, kei am na ap ä, ka law püi ba khai nei” cik ci.

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

ATÜNNAK 44:12

Joseph ah changshäm naw ang vaipi ung tün ne, a hmaw pi ung khüt khai ah geing na ne shui gui neta, khap cu Benjamin ah ng’ip ung hmuk ci.