Biblia Todo Logo
Bib sou entènèt

- Piblisite -




ATÜNNAK 42:28 - Cho Bible Common Language 2016

28 Ani naw aphäi nau gui khü gui neta, “Ngui cu law püi ba en ah kyak ci nei, ka ng’ip khui ah om ei ci nei” cik ci. Ngami cu ng’hlet ne cäicat u neta, “Khanpughi naw mikmi ah khan ah a i hawkcha bii a bi ang?” cine ng’htau ci gui.

Gade chapit la Kopi




ATÜNNAK 42:28
14 Referans Kwoze  

Khomdek khan ah kho ah shet nak a gawk law vai hmat ciah chang gui cu, cäi ng’ä aih khai gui. Kho k’häu ung kumkü aisi gui cu thüng ne yong yawp khai gui.


Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?


Bawipa ah ang yak hlü cu angtäi sei kawh chan nei.


Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.


Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.


Kei naw ka m’hni ah phäh ah shoh ka hmawng ci, cun ung phi ani cu hteit pyi ci nei. Ani ah k’aw cu kei naw a i hlawk ah ka ng’ya hlük ci ang! Kei naw ani cu ka shui ci, cun ung phi kä ka hmuk ci; Kei naw ani cu ka khü ci, cun ung phi ana m’shan nak kä ka ng’yak ci.


Ngaih u maih ne, im sho sei, ka ning khü ci nei. Phyawn nak ah lung ung na hteh püi ä.


Cun ah hnumi naw tawnglang ung ami pyan ah buhmeh gui, a bawi gui ah om nak ah im gui, mang im kyong ah bii k’bi gui ami m’düih m’thawh gui, la täng khai ah ami suisak gui, ei awk nak ung ani ngäng ciah changshäm gui, Taigüim kyong ah ami douthak ah khawihnah nak gui cu hmuk ci. Acun naw ani cu kä ng’ghi hlawt khai ah cäi sak ci.


Nangmi naw dimdeeih nak a hawi phi kä nami hmuk khai. Nami ka ah nami khü vai ah hmun kä om khai. Bawipa naw ng’ä ai nak, ngaih u kaa nak, m’lung k’si nak awn ning shu deng gui khai.


“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.


Changshäm naw, “Kä kyi vä! Kä ng’ä vä! Nami Khanpughi, nami pa ah Khanpughi naw nami ng’ip ung ngui a ning pek gui nei. Nami ngui cu ka dou ci nei” ci neta Simeon cu law püi ba ci.


Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.


Isaak cu ang htei ah cäicat ne ng’thüng neta, “Sa ngawn ne shong ne na m’bei lawk cicu a u ang? Nang kä na law pha ung tuhbäi hta ng’lung ei yawp ne, hriham ka pe pyi ci nei, cun cu ngawi yä ani ah kaa ah kyak khai nei” cik ci.


Kanaan khaw ami pa ah gawk ba u neta, a mawng avan cu m’thein tuk ci gui.


Swiv nou:

Piblisite


Piblisite