ATÜNNAK 42:22 - Cho Bible Common Language 2016

²² Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci.

ATÜNNAK 42:22 Referans Kwoze

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

2 SHONTÄP NAK 24:22

Ghangpughang naw Zechariah ah pa Jehoiada naw bekhüt ne bii abi kä shüm ba ah, Zechariah cu a ngawn ah kyak ci. Zechariah naw si law vai neta a pyen cu. “Nang naw a i na bi cu Bawipa naw ning hmu neta ning m’kyuk sä!”

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

ROMAN 2:15

Thukhän ah pyein gui cu ami m’lung kyong ung guk ah mäih ah ami om ih naw m’dang ci. Ami m’lung kyong ung phi cun cu ng’düng ci ciah m’dang ci. Ami m’lung ngaih naw ak hngü ät m’kat gui ne, ak hngü ät k’bää gui ci.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

LUKA 23:41

ni mät ah katnak awn ni mät ni hteit ciah kyak ci, cun ung phi a ni cu a i phi akat nak kä om ci nei” cine pyen nak ci.

EZEKIEL 3:18

Kei naw chang shekha cu sik khai cine ka ng’shäu ah a kyak ung, ani ah hnun gui a phiawn nak hning vai ah a hteh nak am thawng vai ah nang naw ng’thu kä na k’bäi ah a kyak ung, ani cu kak ciah chang ah kya ne sik khai, ani ah sih nak cu nang naw na ma nak vai kyak khai.

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

ATÜNNAK 42:23

Ami ng’thu cu Joseph naw hmat ci, cun ung phi ngami naw kä hmat ci gui, a i ah kyasei ci ung Joseph naw thu k’phlan tha ne ang thu püi gui ah hmawk ah kyak ci.

ATÜNNAK 45:3

Joseph naw a phäi gui ah ma ah, “Kei cu Joseph nei, kapa mä ghing ne ang?” cik ci. Cun ung phi a phäi gui cu cäicat u neta kä m’shang hlawt ci gui.

ATÜNNAK 50:15

Ami pa a sih kawn ah Joseph ah a phäi gui naw, “Mikmi naw ani ah khan ah akshe mi bi ah phäh ah Joseph cu ng’u neta mikmi ah khan ah akshe bi tu ba hman khai” cik ci gui.

1 SAMUEL 19:4

Jonathan naw Saul ah ma ah David cu m’tam ne a pyen cu, “Bawi aw, Na changshäm David ah khan ah chei khai ah kä na bi vai nei. Ani naw nang ung a i phi a hma kä bik ci; ang lakmah nak cu, ani naw abi phung cu nang ah phäh ah ak dämduh ah m’htei htang nak ah kyak ci.

1 GHANGPUGHANG GUI 2:33

Chang ami ngawn ah phäh ah m’kyuk nak cu Joab la a hta ng’shon ah khan ah ngawi yä kya lawk khai. Cun ung phi a mangkiang ung ngok ciah David ah hta ng’shon gui läi am Bawipa naw ang’täi sei näng nak pe gui khai.”