ATÜNNAK 42:20 - Cho Bible Common Language 2016

²⁰ Cun kawn ah nami nau a hmawpi cu kei ah nami law püi vai nei. Cun ung nami cang nak dang sei, kei naw kä ka ning sih sak gui khai” cine pyen na gui ci. Cun cu ngami naw yum ci gui.

ATÜNNAK 42:20 Referans Kwoze

ATÜNNAK 44:23

Nang naw, “Nami nau a hmawpi kä nami law püi ung ka ma ah kä nami law en ba vai” na cik ci.

ATÜNNAK 43:5

Kä na tüih tu läi ung kä kami hleih khai nei. A i ah kyasei ci ung cun ah chang naw nak bäi gui ne, kami nau kä kami hteh püi ung, kä kami hteh ba vai ah pyen pyi ci nei” cik ci.

ATÜNNAK 42:34

Nami nau a hmawpi cu kei ah nami law püi vai, cun ung nangmi cu ng’tä ciah kä kya ne, chang ni ah nami kyak ciah ka hmat khai. Nami nau phi ka ning pe ba gui khai, nangmi phi a shia ah sumlei ne nami om tu hning ci, cik ci” cine m’thein tuk ci gui.

ATÜNNAK 42:15

Tuhbäi nangmi ning m’nüm nak gui ah ghangpughang ah ming awn ning khen gui ah kyak ci, nami nau a hmawpi kä a gawk law ung kä nami hteit ba khai.

JOHAN 2:5

Bawipa Jesuh ah nu naw, “A pyein päng ah om vä” ci ne ami shäm gui-am pyen na gui ci.

ATÜNNAK 43:19

Cun ah kyasei im kawt pei ah ami gawk law ung,

ATÜNNAK 42:26

A phäi gui cu ami laa gui ung htang ip taih u ne hteit ba ci gui.

ATÜNNAK 6:22

Khanpughi naw a pyen ah mäih ah Noah naw avan cu bik ci.

ATÜNNAK 42:19

Nami düng nak a dang vai ah tumat cu nami om nak te ah thawng ung kium shüt sä, k’pawih ba ci gui cu cawi ciah nami paw gui ah hmawk ah htang nami khleih cu phui ne hteit ba u sä.

ATÜNNAK 42:33

Ani naw, “Nangmi chang ni ah nami kyak ka hmat nak vai ah tumat cu kei awn om shüt sä, cun kawn ah ka gui cu cawi ciah nami chu hta gui ah hmawk ah htang phui ne hteit ba vä.

ATÜNNAK 44:21

Nang bawi naw shia ah kami law püi vai pyen ci sei, law püi u ngä sei na hmuk ci.

ATÜNNAK 43:3

Judah naw ani am, “Cun ah chang naw akghat ah nak bäi gui ne, nami nau kä nami law püi ung ka ma ah kä nami law en ba vai” ci pyi ci.