ATÜNNAK 42:18 - Cho Bible Common Language 2016

¹⁸ A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

ATÜNNAK 42:18 Referans Kwoze

TAIGÜTHUM 25:43

Ak ghat ah kä nami om püi gui vai, nami Khanpughi cu nami kyih aa vai.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

LUKA 18:2

Pigawnu tumat ung suki tumat om ci. Ani cu Khanpughi phi kä kyih ci, chang phi kä aa cih chang ah kyak ci.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

LUKA 18:4

Hmeinu ah pyein cu suki naw akda vei maa nak ci. Cun ung phi ak hnu ah “Kei cu Khanpughi phi kä ka kyih ci, chang phi kä ka aa ci.

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

ATÜNNAK 42:19

Nami düng nak a dang vai ah tumat cu nami om nak te ah thawng ung kium shüt sä, k’pawih ba ci gui cu cawi ciah nami paw gui ah hmawk ah htang nami khleih cu phui ne hteit ba u sä.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

PHYAWN NAK 1:17

Sayama gui cu Khanpughi kyih aa ci gui ah kya ne, ghangpughang ah ng’thu cu kä ngai ci gui, pami hta gui cu ghin sak ci gui.

TAIGÜTHUM 25:17

Na Israel chang paw cu kä nami thuvi nak vai, Bawipa nami Khanpughi cu kyih aa ne nami läk vai.