ATÜNNAK 42:15 - Cho Bible Common Language 2016

¹⁵ Tuhbäi nangmi ning m’nüm nak gui ah ghangpughang ah ming awn ning khen gui ah kyak ci, nami nau a hmawpi kä a gawk law ung kä nami hteit ba khai.

ATÜNNAK 42:15 Referans Kwoze

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 SAMUEL 1:26

Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

THULÄÄN NAK 6:13

Bawipa nami Khanpughi cu nami taamkhah vai, ani bäng nami khawihnah vai, ani ah ming bäng ung shaitak nami bi vai.

ATÜNNAK 43:3

Judah naw ani am, “Cun ah chang naw akghat ah nak bäi gui ne, nami nau kä nami law püi ung ka ma ah kä nami law en ba vai” ci pyi ci.

ATÜNNAK 42:34

Nami nau a hmawpi cu kei ah nami law püi vai, cun ung nangmi cu ng’tä ciah kä kya ne, chang ni ah nami kyak ciah ka hmat khai. Nami nau phi ka ning pe ba gui khai, nangmi phi a shia ah sumlei ne nami om tu hning ci, cik ci” cine m’thein tuk ci gui.

ATÜNNAK 42:30

Egypt khaw uk ciah bawi naw akgat ah na ng’thu püi gui ne, ami khaw kami k’tä ciah na k’bäi gui ci nei.

ATÜNNAK 42:20

Cun kawn ah nami nau a hmawpi cu kei ah nami law püi vai nei. Cun ung nami cang nak dang sei, kei naw kä ka ning sih sak gui khai” cine pyen na gui ci. Cun cu ngami naw yum ci gui.

ATÜNNAK 42:16

Tumat hteit ba ne la tuba sä. Nami om shüt ci gui cu nami ng’thu akcang ah a kyak la kä cun ah kä m’nüm pha a chuih ning ngäng gui vai, ghangpughang akcang ah ghing ne a om ah mäih ah nangmi cu ng’tä ciah nami kyak khai.

ATÜNNAK 42:12

Joseph naw, “Kä kyak khai, nang mi cu kami khaw ah kä näng nak nami k’tä khai ah nami lawk ci nei” cine kyak na gui ci.

ATÜNNAK 42:7

Joseph naw a phäi gui cu hmu gui ne hmat gui ci. Cun ung phi kä hmat gui hlawk ciah ng’shei neta, “Nangmi a hawi ka gui ang?” cine akgai ah ng’shi gui ci. Ngami naw, “Keimi cu Kaanan khaw ah ka ei hleih vai ah kami lawk ci nei” cik ci gui.

ATÜNNAK 42:14

Joseph naw, “Ka pyen pyi ah mäih ah nangmi cu ng’tä ciah nami kyak ci.

ATÜNNAK 43:5

Kä na tüih tu läi ung kä kami hleih khai nei. A i ah kyasei ci ung cun ah chang naw nak bäi gui ne, kami nau kä kami hteh püi ung, kä kami hteh ba vai ah pyen pyi ci nei” cik ci.