ATÜNNAK 42:1 - Cho Bible Common Language 2016

¹ Egypt khaw ah ei vai a om cu Jakob naw ng’ya neta, a hta gui am, “A i ah kyasei a i kä bi ne nami om ang?

ATÜNNAK 42:1 Referans Kwoze

LAMKTU 7:12

Jakob naw Egypt khaw ung ei vai htang om ciah ng’yah netah a hta gui cu ak htük ah tüi gui ci.

JOSHUA 7:10

Bawipa naw Joshua a pyen nak cu, “Tho law ä, a i ah kyasei m’dek ung shikcha ah na ng’yän ang?

KALATIAN 2:7

Ngahmi naw ami nam shüm thein nak tu vai sü ung, Khanpughi naw Peter-am Thu Ni cu Jew chang gui-am thein sak gui ah mäih ah, kei-am Thu Ni cu Khui hei chang gui-am kam thein vai ah ana m’düih cu hmu lawk ci gui.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

EZRA 10:4

Shin cu nang naw na bi vai ah kyak ci nei. Keimi na hnu ah kami om ci nei. K’täi ne na bi vai nei” cik ci gui.

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

PHYAWN NAK 5:19

Ayan ami pyan man chü ah uk cu a hnüüp tä sei ami pyan vai ah pyen na gui khäta Israel ng’vai gui naw, khüikha nak ung gawk pyi ci gui ah hmat ci gui.

ATÜNNAK 42:2

Egypt khaw ah htang om ciah ka ng’yak ci nei, cawi ne kä mi sih vai ah hteit ne hleih tu vä” cik ci.

ATÜNNAK 41:57

Khomdek khan avan ung kho she khäta, khomdek khan ung chang ah hta akda naw Egypt khaw ah law ne Joseph ah ei ng’zoi lawk ci gui.

ATÜNNAK 41:54

Joseph ah pyen ah mäih ah kho a shet nak ah kum chih cu ng’tün lawk ci. Kho päng ung kho shek ci, cun ung phi Egypt khaw ung ei vai om ba ci.