ATÜNNAK 41:8 - Cho Bible Common Language 2016

⁸ Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

ATÜNNAK 41:8 Referans Kwoze

DANIEL 4:7

Cängbang ci gui, cee gui, tukaih ci gui, kho m’khin thei ci gui, ami van law püi gui u sei, kei naw ka mang cu ka m’thein gui ci. Cun ung phi cun ah mawng cu ngami naw kä na m’thein hning ci gui.

PHYAWN NAK 7:22

Ghangpughang ah k’cee gui naw phi a cun ah mäih ah bi tuk ci gui. Ghangpughang cu ling gäk gäk ci. Bawipa naw a pyen ah mäih ah ghangpughang naw Moses la Aaron cu kä ngai goi ci.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

DANIEL 4:5

Cun ung phi ka ih sangung kyihkyawk vai ah ka ng’mang she sei, cäi ng’ä vai ah muimang ka hmuk ci.

DANIEL 1:20

Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

PHYAWN NAK 7:11

Ghangpughang naw akchang cüivai gui la k’cee gui cu khü gui sei, ngami naw a cun ah mäih ah ami cee nak awn bik ci gui.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

PHYAWN NAK 8:7

Cun ung phi k’cee gui naw ami cee nak m’dang u ne, khaw avan cu k’u awn be sak ci gui.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

ATÜNNAK 40:6

Joseph naw khongawi ah law ngawi neta, ngani cu kä yei ni sei hmu goi ci.

1 KORIN 1:19

Cacim ung; “Cüi vai ci gui ah lunglang nak cu di sak ne, Langkhaa ci gui ah hmuhmat nak cu ka heng khai ne!” ciah om ci.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LAMKTU 7:22

Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

DANIEL 7:28

Shin cu ka ng’mang ah mawng ang pyi nak ah kyak ci. Kei cu ang htei ah kyikyawk neta ka ng’haam ci, a cun gui avan cu ka m’lung ung ka tha ci.

DANIEL 5:11

Na uknak ah khaw ung chang tumat om ci, cun cu mum cha theing naw a om nak ah kyak ci nei. Na pa ghangpughang ah a kyak yah ung, cun ah chang naw, khanpughi gui ungka cüivai nak ah mäih ah kyak ciah nikiom nak, hmuhmat nak la cüivai nak gui cu m’dang ci nei. Ghangpughang Nebukhadnezzar, napa naw, cängbang ci gui, cee gui, tukaih ci gui, kho m’khin ci gui ung ang vaipi ah a tha nei.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

PHYAWN NAK 9:11

Cee gui cun phi a hei Egypt chang gui ah mäih ah hlut u neta, Moses ah ma ah kä ng’dang law ba ci gui.

ATÜNNAK 41:7

Ang ma gin ciah htang vui gui naw, ang ma däm ciah htang vui gui cu m’zaw ci gui. Ghangpughang cu ng’shüm law ba neta ang mang ah hmat lawk ci.

ATÜNNAK 41:15

Ghangpughang naw ani am, “Kei ka mang shek ci, cun cu a u naw kä phlan hlawt ci. Nang cu ng’mang na k’phlan thei ciah pyen ne na m’thei lawk ci gui.

1 SAMUEL 6:2

Chang gui naw taigüpa gui la cecai ci gui cu khü gui u neta, “Bawipa ah Thukhän M’küm ah mawng cu a i hawkcha ah bi vai ang? Ka nak ci gui am mi thak ba gui vai a kyak ung, a i awn m’khah ne mi thak ba gui khai ang?” cik ci gui.

DANIEL 4:6

Cun ah mang ah mawng na m’thein khai gui ah Babilon ung bawi mang gui avan cu thu khän ne ka khü gui ci.

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

ATÜNNAK 41:24

Akpim gui naw ang tak gui cu m’zaw ci gui. Puikaih gui am ka mang ka m’thein gui pyi ci, cun ung phi a u naw kä phlan thei ci” cine m’thein ci.