ATÜNNAK 41:56 - Cho Bible Common Language 2016

⁵⁶ Kho a shet nak cu ka law pi ka law pi ne khaw avan ung gawk ci. Cun ah kyasei Joseph naw ei khei gui hmawng ne Egypt chang gui am yoih na gui ci.

ATÜNNAK 41:56 Referans Kwoze

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

LUKA 21:35

M’khoichaa nak ah hnüüp cu thau ah ng’chawi ah mäih ah nami khan ah akten ah gawk lawk khai nei. Cun ah hnüüp cu khomdek khan chang avan ah khan ah gawk khai nei.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

ISAIAH 23:17

Khokum chih-kip ang pyi kawn ah, Bawipa naw Tire gawnu cu a cau sumlei nak man ung hteh ba sak khai. Khomdek khan ung uktu kho gui avan am, amät naw amät cu khah gui khai.

ATÜNNAK 41:30

Cun kawn ah khokum chih ung khoyaw khai. Kho a shet tä aih sei khokum ni gui cu maih yawp khai.

ATÜNNAK 41:55

Egypt chang gui cu ei ah cawi law u neta, kyap u ne, ghangpughang ah hteit ne ei vai ng’zoi ci gui. Cun ah chang gui cu Joseph ah tüi gui ne Joseph ah pyen ah mäih ah ami bi vai ah m’cäi gui ci.

ATÜNNAK 41:57

Khomdek khan avan ung kho she khäta, khomdek khan ung chang ah hta akda naw Egypt khaw ah law ne Joseph ah ei ng’zoi lawk ci gui.

ATÜNNAK 43:1

Kanaan khaw ah ei vai ng’ceet law pi pi ci.

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

ATÜNNAK 41:35

Khokum ni ah kyong ung ei vai na m’cuun sak gui vai. Mang gaw gui ung phi uk ci gui naw ei vai m’cuun ne mi ngäng vai ah na pyen vai.