ATÜNNAK 41:52 - Cho Bible Common Language 2016

⁵² “Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

ATÜNNAK 41:52 Referans Kwoze

ATÜNNAK 49:22

Joseph cu tuihta kem ah ng’sela k’zäng ah kyak ci. Khogui nawi ah m’shing sing ah kyak ci.

ATÜNNAK 50:23

Ani naw Ephraim ah hta gui la tu gui cu ghing ne hmu gui ci. Manasseh ah hta Machira ah hta gui phi kyong khui ami pyan güt om püi gui ci.

ATÜNNAK 17:6

Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

ATÜNNAK 41:51

Ani naw, “Ka yaica gui avan la kapa ah kyongkhui avan ka m’hnih vai ah Khanpughi naw bik ci nei” ci neta, a hta htük cu Manasseh ah sui ci.

ATÜNNAK 41:53

Bämang nak ah khokum chih cu Egypt khaw ung ng’pyi lawk ci.

ATÜNNAK 48:1

Api shou hta khäta, Joseph cu apa ah gaw ng’ya neta, a hta goi Manasseh la Ephraim cu hteh püi goi ne Jakob hmuh vai ah hteit ci.

ATÜNNAK 48:14

Cun ung phi Jakob naw a kut m’kang ne, akpat lam cu a hmawpi Ephraim ah lu khan ah, ak eng lam cu ang vaipi Manasseh ah lu khan ah taih ci.

1 SAMUEL 1:20

Cun ah kyasei ani cu käu mah ne pami hta ah hta lawk ci. Aming cu Samuel ah sui ci, a mawng cu, “Ani ah phäh ah Bawipa ah ka taigü ci.”

ATÜNNAK 48:5

Joseph naw pyen ba ne, “Joseph aw, na hta hnih om ci, Ngani cu Egypt khaw ah kä ka law pha ung na hta nak goi ah Ephraim la Manasseh ah kyak ci. Ngani cu Reuben la Simeon ah mäih ah kei ah kaa goi ah kyak khai goi nei.

KHEI NAK 26:28

Joseph pakhui, ani cu Manasseh la Ephraim pami goi ah pa ah kyak ci.

JOSHUA 16:4

Joseph ah htangshon Ephraim pakhui la Manasseh akheitäng pakhui gui naw, shin ah khaw cu ami kaa nak vai ah gah ci gui.

JOSHUA 17:1

Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.