ATÜNNAK 41:51 - Cho Bible Common Language 2016

⁵¹ Ani naw, “Ka yaica gui avan la kapa ah kyongkhui avan ka m’hnih vai ah Khanpughi naw bik ci nei” ci neta, a hta htük cu Manasseh ah sui ci.

ATÜNNAK 41:51 Referans Kwoze

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

NG'THU K'THUUK~ 31:7

Ami dukhaih nak la kä ami yeikyai nak ami m’hnih vai ah nami awk sak gui vai.

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

ATÜNNAK 41:30

Cun kawn ah khokum chih ung khoyaw khai. Kho a shet tä aih sei khokum ni gui cu maih yawp khai.

ISAIAH 65:16

Khaw ung om ciah chang hriham ng’zoi thäh ci phung naw bekhüt ciah khanpughi naw hriham a pek vai ah ng’zoi thäh khai. Khän taam ne pyen ciphung naw bekhüt ciah khanpughi ah ming ung khäntam khai. A cau khüikha nak gui man cu ng’pyi khai, m’hnih yawp vai.”

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

SAM 45:10

Ghangpughang ah mang hta, ka thu na ngai ä — Na chang gui la na mätyah gui cu m’hnih gui ä.

ATÜNNAK 48:5

Joseph naw pyen ba ne, “Joseph aw, na hta hnih om ci, Ngani cu Egypt khaw ah kä ka law pha ung na hta nak goi ah Ephraim la Manasseh ah kyak ci. Ngani cu Reuben la Simeon ah mäih ah kei ah kaa goi ah kyak khai goi nei.

ATÜNNAK 41:50

Kho kä a yaw pha ung Joseph cu Asenath awn pami hnih ah hta ci goi.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

ATÜNNAK 48:1

Api shou hta khäta, Joseph cu apa ah gaw ng’ya neta, a hta goi Manasseh la Ephraim cu hteh püi goi ne Jakob hmuh vai ah hteit ci.

JOSHUA 17:1

Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.

1 SAMUEL 1:20

Cun ah kyasei ani cu käu mah ne pami hta ah hta lawk ci. Aming cu Samuel ah sui ci, a mawng cu, “Ani ah phäh ah Bawipa ah ka taigü ci.”

KHEI NAK 26:28

Joseph pakhui, ani cu Manasseh la Ephraim pami goi ah pa ah kyak ci.

JOB 11:16

Cun kawn ah na yaica nak gui avan cu na m’lunghnga kiong ungka kieim yawp khai nei. Cun cu tui k’hlaw kieim khäta a u naw kä a shüm ba ah mäih ah kyak khai nei.