ATÜNNAK 41:46 - Cho Bible Common Language 2016

⁴⁶ Joseph cu Egypt ghanpughang ah a kyak law yah ung a khokum thumkip lawk ci. Ani cu mang im ungka lut law ne a uknak khaw avan cu hteit ne teng ci.

ATÜNNAK 41:46 Referans Kwoze

DANIEL 1:19

Ghangpughang naw ami van ng’thu püi gui neta, Daniela, Hananiah, Mishaela la Azariah ni gui cu, a hei gui ah cüivai pi u sei hmu gui ci. Cun ah kyasei ngami cu ghangpughang ah mang im chang ah kya lawk ci gui.

1 GHANGPUGHANG GUI 12:6

Ghangpughang Rehoboam naw, apa Solomon ah aka ah täpang ne bii bi man ci gui ah angvai gui cu khü gui neta, “Shin ah chang gui ka m’shan nak gui vai ah, a i cha ni mä nami na m’cäi m’ä kaw?” cine ng’shi gui ci.

2 SAMUEL 5:4

David cu ghangpughang ah akiak law yah ung a khaw kum thum kip lawk ci, ani naw khawkum phli kip uk ci.

1 SAMUEL 16:21

David cu Saul ah hteit ne, a bi bi tuk ci. Saul naw ani cu m’hni aih neta, a li khim gui kawt khai ah ani cu ghü ci.

KHEI NAK 4:3

Pami avan a khokum thumkip la hmakip ah ng’lak ungka, Bawipa ah om nak ah Phung ung bilo hning khai phung cu, ang ming na guk vai.

ATÜNNAK 37:2

Shin cu Jakob ni kyong ah mawng ah kyak ci. Jakob cu a khaw kum gha lei chih a law yah ung, apa ah chu tuba goi Bilhah la Zilpah ah hta gui awn a täng ah htawme gui shäm ci gui. Joseph naw a phäinau gui ah shetkat nak ah mawng cu apa am m’thein ba ci ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

LUKA 3:23

Abi tün ne abi law sang ung Bawipa Jesuh cu a khokum thumkip lawk ci. Ani cu Josef ah hta ah chang gui naw ngai ci gui.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

1 GHANGPUGHANG GUI 12:8

Cun ung phi ani naw angvai gui ah m’cäi m’ä cu nawng en ne, ani awn thawn law ät ci gui, tuhbäi ani ah tängpang chang gui chang nong gui ah hteit neta,

ATÜNNAK 41:47

Bämang ciah khokum chih ah kyong ung geit cu akda ah ng’sep ci.

ATÜNNAK 42:8

Joseph naw a phäi gui cu hmat gui ci, cun ung phi ngami naw kä hmat ci gui.

ATÜNNAK 45:6

Shin ah khaw ung khaw a shet nak kum goi law phak ci, kä geit nak hlawt, kä khäm nak hlawt vai kum hma om ba ci.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.