ATÜNNAK 41:43 - Cho Bible Common Language 2016

⁴³ Ani cu akhnih nak ah mang ah ng’hle ung ng’cuum sak neta, ngäng ne m’taam ciah chang gui ah maa ah, “Lam m’bawng vä” cine m’lau ci gui. Cu cha ah Joseph cu Egypt khaw avan uk khai ah m’düih ci gui.

ATÜNNAK 41:43 Referans Kwoze

ATÜNNAK 45:8

Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

ATÜNNAK 45:26

Ami gawk ba vai am ami pa am, “Joseph cu ghing ne om ci nei, ani cu Egypt khaw uk ciah bawi ah kyak ci nei” cine m’thein u sei, Jakob cu cäi neta akcang ah käi neta akcang ah kä ngai ci.

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

ATÜNNAK 42:33

Ani naw, “Nangmi chang ni ah nami kyak ka hmat nak vai ah tumat cu kei awn om shüt sä, cun kawn ah ka gui cu cawi ciah nami chu hta gui ah hmawk ah htang phui ne hteit ba vä.

ATÜNNAK 42:30

Egypt khaw uk ciah bawi naw akgat ah na ng’thu püi gui ne, ami khaw kami k’tä ciah na k’bäi gui ci nei.

ATÜNNAK 41:42

Mang ah m’hnüt nak ah a kutpyün ungka kutcüp cu suut neta Joseph am m’hnaak ci. Pä suinu akni am’sui ne ghui shawi phi m’äh ci.

ATÜNNAK 41:44

Ghangpughang naw ani am, “Kei cu ghangpughang ah ka kyak ci, nang ah yum nak kä om ciah Egypt khaw ung a u chang naw phi a kut khaw kä a chaan en vai” cine pyen nak ci.

ATÜNNAK 50:18

Cun kawn ah a phäi gui cu law u ne ama ah kawp u neta, “Shin ung na ma ah na changshäm gui ah kya ne kami lawk ci nei” cik ci gui.

ESTA 10:3

Jew chang Mordekai cu Ghangpughang Ahasuerus tawi ciah ang vaipi ah kyak ci. Ani cu a Jew chang paw gui naw ang htei ah m’hni u ne, ami m’tamkhah ah kyak ci. Ani naw a chang gui ah ami ni nak vai la ami htangshon gui ami van ah ngaih gep nakl vai ah k’tha na ne bik ci.

ATÜNNAK 50:9

Ng’sehle gui la ng’se cum ci gui phi hteit tu ci gui, chang hli ng’peeih hteit ci gui.

ESTA 3:2

Ghangpughang naw a bawi gui avan cu thukbäi gui ne, a bii ami bi nak ung m’kukdong ne kawp ne Haman ami chang m’sui vai ah pyen ah gui ci. Ngami ami van naw acun ah bik ci gui. Cun ung phi Mordekai naw cun ah kä bi tuk ci.

DANIEL 2:48

Cun kawn ah ani naw Daniela am bawimang ak hlüng pi pe ne, am cümhnah nak akda pek ci, Babilon khopäng ung uktu ah tha ne, mang im angvai gui avan ung angvaipi ah tha ci.