ATÜNNAK 41:40 - Cho Bible Common Language 2016

⁴⁰ Ka khaw avan ka ning uk sak khai, ka chang avan naw na ng’thu läk khai gui nei. Kei ah kawn ah nang ah huham cu aktung ah kyak khai nei.

ATÜNNAK 41:40 Referans Kwoze

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

DANIEL 5:29

Belshazzar naw a chang shäm gui cu ang ghit ah ng’thu k’bäi gui ne, Daniela am mangyih suinu amvo m’sui sak gui ne, m’tam nak ah ghui äh a gawn ung m’awi sak gui ci. Cun kawn ah ani naw uknak khaw ung, ak thum nak ah huham mah khai ah pyang ci.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

DANIEL 6:3

Daniel naw ahei tängpang ci guii la uktu gui ah ta bä pi khai ah a bi cu dang ci. Ani cu ang htei ah cüivai ci kya sei, uknak khaw avan ung ang vaipi ah tha vai ah ngai ci.

ATÜNNAK 45:26

Ami gawk ba vai am ami pa am, “Joseph cu ghing ne om ci nei, ani cu Egypt khaw uk ciah bawi ah kyak ci nei” cine m’thein u sei, Jakob cu cäi neta akcang ah käi neta akcang ah kä ngai ci.

JOB 31:27

Kei naw chei khai ah ngai ne cun gui cu kä ka m’tam gui phung ci nei. Ngami kyih aa nak gui am ka kut kä ka m’hnam man ci nei.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

ATÜNNAK 44:18

Judah naw Joseph ah pei ah hteit neta, “Bawi aw, api ah ng’thu ka pyen hlük ci, kei cu kä na m’lungshe en na ä, nang cu ghangpughang ah mäih ah na kyak ci nei.

ESTA 3:1

Shäng hta khäta ghangpughang Ahasuerus naw Haman ming nak cicu bawi ng’vaipi ah tha ci. Haman cu Hammedatha ah hta, Akak ah ng’shon ah kyak ci.

ESTA 10:3

Jew chang Mordekai cu Ghangpughang Ahasuerus tawi ciah ang vaipi ah kyak ci. Ani cu a Jew chang paw gui naw ang htei ah m’hni u ne, ami m’tamkhah ah kyak ci. Ani naw a chang gui ah ami ni nak vai la ami htangshon gui ami van ah ngaih gep nakl vai ah k’tha na ne bik ci.