ATÜNNAK 41:25 - Cho Bible Common Language 2016

²⁵ Joseph naw ghangpughang am, “Na mang goi hnih cu a mawng täng ci, Khanpughi naw a i a bi law vai a ning m’thein ah kyak ci.

ATÜNNAK 41:25 Referans Kwoze

DANIEL 2:45

Lung nu cu a u naw kä a tawn ah hlit ne kya law ne, m’sii ni, kyei ni, m’deknai ni, ngui ni, ghui ni awn pyan ah a gup cu, shudeng ciah nang naw na hmuk ci. Dämduh ciah Khanpughi naw ngawi ah a i ah kya lawk khai cicu nang ghangpughang am a ning m’thein ah kyak ci. Kei naw nang ah mang akcang cu ka ning m’thein ci, acun ah mawng akcang phi ka ning m’thein ci.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

MAKUH 13:23

Nangmi cu ngaih na ne nami om vai, shin ah a mawng gui kä ang dang law pha ung ng’dawt ne ka ning m’thein gui nei.

MATTHE 24:40

Cun yah ung lai ah chang hnih ani om ung tumat cu hteh püi sei tumat cu pawih shüt khai.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

ISAIAH 43:9

Chang pakhui gui cu yung ah k’thäh gui vä. A hawn ah ami khanpughi naw malam ah mawng cu pyen hning khai aw? Ngami ung ka, a u naw tuhbäi kyak ciah amawng cu pyen hning khai aw? Shin ah khanpughi gui naw ami hman ah mawng ami m’dang nak vai la ami thu ang düng ah mawng nak vai la ami thu düng ah mawng ami m’dang nak vai ah ami saksi gui law püi u sä.

SAM 98:2

Bawipa naw ang näng nak cu ng’shäu ci nei, Ani naw a hun nak huham cu changpakhui gui am hmat sak ci nei.

JOSHUA 11:6

Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.

ATÜNNAK 41:16

Joseph naw, “Uk ciah bawi aw, kei a i kä ka hmat ci nei, Khanpughi naw akni pi ah k’phlan khai nei” cik ci.

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

ATÜNNAK 41:26

Vantang akplan chih cu khokum chih, htang vui angtak chih cun phi khokum chih ah kyak ci, cun goi cu täng ci goi.

ATÜNNAK 41:28

Cun cu ka ning m’thein ah mäih ah Khanpughi naw a bi law vai cu a ning hmuh sak ah kyak ci.

ATÜNNAK 41:32

Leng ba ba ne na ng’mang nak cu, acun ah mawng cu Khanpughi naw m’düng ne, kä shou pha sei ang dang sak vai ah hmawk ah kyak ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.