ATÜNNAK 41:16 - Cho Bible Common Language 2016

¹⁶ Joseph naw, “Uk ciah bawi aw, kei a i kä ka hmat ci nei, Khanpughi naw akni pi ah k’phlan khai nei” cik ci.

ATÜNNAK 41:16 Referans Kwoze

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

LAMKTU 3:12

Peter naw chang gui cu hmu gui ne tah, “Israel chang gui, a i ah kiak sei nami cäicat ang? a i ah kiah seih kei mi cäicat ne na mi na teng gui ang? kami mät ah hlüng tai nak lah m’khüt näng nak awn, shin ah chang kami gai sak ciah nami ngai ci ma?

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

LAMKTU 3:7

Cun kawn ah ak pat lam a kut ung k’pamgne m’tho ci; acun vai am akhaw la a khaw pha gui cu khüi law seih, ani cu tho ne ng’düi law ne hteit ci.

LUKA 19:42

nang naw tuhngawi dimdeeih nak na hmat vai sü ung, yeikyai nak om khai sü te, cun ung phi nang naw, cun kä na hmuk ci.

DANIEL 4:2

Hlüngtai ciah Khanpughi naw a nam hnuh ah cäicat gui vai la cäi aih gui vai cu ngai vä.

2 GHANGPUGHANG GUI 6:27

Ani naw m’shang ne, “Bawipa naw kä a ning m’htei ah a kyak ung, kei naw a i ka ning pe hning khai aw? Htang den baw, sapyit tui baw kei api om ne ang?

ATÜNNAK 37:14

Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

ATÜNNAK 41:17

Ghangpughang naw, “Kei ah ka mang cu, kei cu Nile tuinu kem ah ka ng’düi ci.

ATÜNNAK 41:25

Joseph naw ghangpughang am, “Na mang goi hnih cu a mawng täng ci, Khanpughi naw a i a bi law vai a ning m’thein ah kyak ci.

ATÜNNAK 41:28

Cun cu ka ning m’thein ah mäih ah Khanpughi naw a bi law vai cu a ning hmuh sak ah kyak ci.

THULÄÄN NAK 29:29

“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.