ATÜNNAK 41:15 - Cho Bible Common Language 2016

¹⁵ Ghangpughang naw ani am, “Kei ka mang shek ci, cun cu a u naw kä phlan hlawt ci. Nang cu ng’mang na k’phlan thei ciah pyen ne na m’thei lawk ci gui.

ATÜNNAK 41:15 Referans Kwoze

DANIEL 5:16

Tuhbäi, ng’thup ciah mawng gui nang naw hmu hning ne, thuuk kau ci gui na k’phlan hning ciah kei naw ka ng’yak ci. Nang naw shin ca cu phat hning ne a mawng na na m’thein hning ah a kyak ung, nang cu bawimang suinu amvo ning m’sui ne, m’tam nak ah ghui äh ning m’awi vai, shin ah uknak ah khaw ung ak thum nak huham mah nak phi na gah khai.

DANIEL 5:12

Ani ung a u ah kä bi hning bi nak hning om ci, cüivai ci, mang phlan nak hning om ci, thu yii la ak thuuk kau gui phi phlan hning ci; Cun ah kyasei Belteshazzar ah ghangpughang naw a ming a pek ah Daniela cu k’thäh ä. Ani naw shin ah mawng avan cu ning m’thein khai nei.”

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

ATÜNNAK 41:8

Ghangpughang cu ang’ä ai neta, a ngawi ung kho ngawi, puikaih gui la chang vai gui cu khü gui ne, ang mang cu m’thein gui ci. Cun ung phi a u naw kä k’phlan thei ci.

DANIEL 2:3

ani naw ngami a, “Kei cu ka mang ah phäh ah ka ng’ä ai ci nei. Cun ah mang cu a i ah shek khai cicu kei naw ka hmat hlük ci nei” cine ng’shi gui ci.

DANIEL 4:9

Belteshazzar, cängbang ci gui ung ang vai pikbäih, Nang ung Khanpughi ah mümcha theing om sei, thuuk kau ci gim cu avan na hmat ci, cicu kei naw ka hmat ci nei. Shin ah ka mang ah amawng cu nang naw na m’thein ä.

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

DANIEL 5:14

Nang cu theingcim ciah mümcha naw ning om na sei, bi nak hning, hmuhmat nak, cüivai nak, nang ung om ciah ka ng’yak ci nei.