ATÜNNAK 41:1 - Cho Bible Common Language 2016

¹ Khokum goi alüng kawn ah Egypt ghangpughang cu ang mang she ba ci; Ani cu Nile tuinu kem ah ng’düi ci.

ATÜNNAK 41:1 Referans Kwoze

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

EZEKIEL 29:9

Egypt cu chang ah kä om nak a ghawng ah kyak khai. Cun kawn ah nangmi naw kei cu Bawipa ah nami na hmat khai. Nang naw Nile tuinu cu, na kaa na pyan ah na pyen ah phäh ah

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

ISAIAH 19:5

Nile tuinu cu kawi ne, tuinu avan kyäp kyäp ah ket khai nei.

ESTA 6:1

Acu mü ung ghangpughang cu kä ip hlawt ci. Cun ah kyasei ani naw a uknak khaw ah mawng ca guk gui cu law püi ne ama ah ami phat vai ah thukbäi gui ci.

THULÄÄN NAK 11:10

Tuhbäi nangmi naw nami khäm vai ah khaw cu ayan nami om nak tu ah Egypt khaw ah mäih ah kä kyak ci. Acu ah m’shi nami geit ung k’tha na ne tui nami m’hlon vai hlü ci.

PHYAWN NAK 4:9

Shin ah cäi aih vai goi awn phi kä ami ning yum ah a kyak ung, na ng’thu kä ami ngaih ah a kyak ung, acun na a kyak ung Nile tuinu ungka tui la ne, m’dek ung na yuk lon vai, tui cu si ah ng’lat khai nei” cine kyak ba ci.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

ATÜNNAK 40:5

Khomü ät ung yu cuung bawi la ei tei bawi cu ani ng’mang shek ci, cun cu a mawng a hei hei ah kyak ci.

ATÜNNAK 31:21

Ani naw a khawh avan la ne, ang ghit ah hteit ne Euphratis tuinu kat ne, Kilead m’htung täng ah hteit ci.

ATÜNNAK 29:14

Laban naw, “Nang cu akcang ah kasi, kasa ah na kyak ci nei” cik ci. Jakob cu cha ät lung ne om law tuk ci.

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

ATÜNNAK 28:12

Ani naw ang mang ung a hmuh cu, “M’dek ungka naw khankhaw ah gawk sei hlaak ng’dawn ci. A cun ung khankhaw chang gui kyum kai ci gui.

ATÜNNAK 40:23

Cun ung phi yu cuung bawi naw Joseph cu kä shüm ba ne m’hnih ci.

ATÜNNAK 41:2

Plan ne müi ciah vantang chih cu tuinu ungka lut law ne khu ei ci gui.