ATÜNNAK 40:20 - Cho Bible Common Language 2016

²⁰ A hnüüp thum hnüüp ung ghangpughang naw angtüi nak hnüüp ah pawi cu a bawi gui avan awn bi püi gui ci. Zu cuung bawi la ei tei bawi cu chah ba goi ne a bawi gui ah ma ah law püi sak gui ci.

ATÜNNAK 40:20 Referans Kwoze

MATTHE 14:6

Herod ah ang tüi nak hnüüp ung Herodias ah hta hnumi hta cu mang khin gui ah ma ah ak ni ah lam khätah, Herod cu ang htei ah yei ci.

ATÜNNAK 40:19

A hnüüp thum hnüüp ung ghangpughang naw ning chah ba khai, na lu ning m’chün khai. Cun kawn ah tung ung na pum ning tai u khäta, kha gui naw na sa cu ei khai gui nei” cine pyen nak ci.

ATÜNNAK 40:13

Hnüüp thum ah kyong ung ghangpughang naw ning chah ba ne ning m’taam ne, na ngoh nak te ung ning hmoh ba khai. Zu cuung bawi ah na kyak man ah kya ba ne, ghangpughang am na tu ba khai nei.

MAKUH 6:21

Herod ah ng’tüi nak hnüüp ung Herodias ah bi bi nak hlü ah lam cu ng’dang lawk ci. Cun ah hnüüp ung Herod naw, Kalile kho ungka bawi ng’vaipi gui, gakap bawi gui, la mangpa gui nüng cu khü gui ne, mü-ei aktung ah pyang m’tham ne khin na gui ci.

2 GHANGPUGHANG GUI 25:27

Evilmerodak cu Babilonia ghangpughang ah a kyak law kum, ani naw Judah ghangpughang Jehoiachin cu thawng ungka luat sak ne amgein nak cu m’dang ci. Cun cu Jehoiachin thawng ung a kyum nak khokum a thumkip lei chih nak, a cha gha lei goi nak ah a hnüüp m’ku lei chih nak ung cun ah kya lawk ci.

MATTHE 25:19

“Shou hta khätah ami bawi cu law ba ne ak changshäm gui cu k’tä gui ci.

JOB 3:1

Ak hnu ah Joba cu adüm ah kä om law ba hlawt ne, ang tüi nak hnüüp cu plah tam ci.

ESTA 1:3

A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.

ATÜNNAK 21:8

A hmaw Isaak cu däm ng’vai law ne, suuk a chah hnüüp ung Abraham naw pawi aktung ah bik ci.

SAM 105:19

A ng’thu pyen kä be pha ah chuih, Bawipa ah thu naw ani cu düng sak ci.

JEREMIAH 52:31

Evilmerodak, Babilonia ghangpughang ah a kyak law kum, ani naw Judah ghangpughang Jehoiachin cu m’gein neta apha nak ungka hlawt ba ci. Cun ah a kyak cu Jehoirehin pha ne ami hteh püi kawn ah akum thumkip lei chih nak, a cha gha lei goi nak ah a hnüüp m’ku lei hma nak hnüüp ah kyak ci.

1 GHANGPUGHANG GUI 3:15

Solomon cu ng’shüm law neta Khanpughi naw ang mang ung ng’htau püi ciah hmat ci. Cun kawn ah ani cu Jerusalem ah hteit ne, Bawipa ah Thukhän M’küm ah ma ah ng’düi neta, m’khih ne douthak nak la khawtsheng douthak nak cu Bawipa am douthak ci. Cun kawn ah ani naw a yungbawi gui avan cu tumbei gui ci.