ATÜNNAK 40:15 - Cho Bible Common Language 2016

¹⁵ Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.

ATÜNNAK 40:15 Referans Kwoze

ATÜNNAK 39:20

Joseph cu pha ne, ghangpughang naw chang gui a chum nak ah thawng ung chum u sei, thawng ung chuum ci.

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

THULÄÄN NAK 24:7

“A Israel chang paw m’guk ci, changshäm ah pyang ci, changshäm vai ah yoi ciah chang cu, ngawn vai. A cu cha ah nangmi naw akshe cu nami nawt heng vai.

PHYAWN NAK 21:16

“Chang m’gu neta yoi ci, kä cung khleihtein ah hmoh ciah chang cu amät ngawn vai.

ATÜNNAK 41:12

Hebru chang nong tumat phi a cu ah thawng kyum tuk ci, ani cu gabawi ah shäm ah kyak ci. Keini naw ka ning mang m’thein ni ngäta, ani naw na k’phlan pe goi ci.

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

ATÜNNAK 40:16

Cun ah nik khai ah ng’mang ak phlan cu ei tei bawi naw ng’ya neta, Joseph am, “Kei phi ka mang shek ci; cun cu, m’htut dawn thum kalu ung ka tüng ci.

SAM 105:18

A khaw cu m’si gui awn khit ne, a gawn ung m’si gui ami m’awi ah kyak ci,

SAM 109:2

Changshe gui la chang om kaa gui naw na ng’tuk püi ci gui nei. Ngami naw kei ah mawng ami hleei pyen u ne,