ATÜNNAK 40:12 - Cho Bible Common Language 2016

¹² Joseph naw, “Cun ah a mawng cu, ang ban thum cu hnüüp thum ah kyak ci.

ATÜNNAK 40:12 Referans Kwoze

SUKI GUI 7:14

A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

ATÜNNAK 41:12

Hebru chang nong tumat phi a cu ah thawng kyum tuk ci, ani cu gabawi ah shäm ah kyak ci. Keini naw ka ning mang m’thein ni ngäta, ani naw na k’phlan pe goi ci.

ATÜNNAK 40:18

Joseph naw, “Cun ah a mawng cu, dawn thum cu hnüüp thum ah kyak ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

MATTHE 26:26

Bawipa Jesuh naw ang düihpüi gui awn a täng ah mü-ei ami ei yah ung, m’htut cu la ne Khanpughi m’hlüngtai netah, m’htut cu bou ne, “Shin ah m’htut cu kei ah pumsa ah kyak ci, la ne ei vä,” cine ang düihpüi gui-am tei gui ci.

ATÜNNAK 40:11

Kei cu ghangpughang ah khap ka kawt ci, sapyit up gui cu k’bit ne sui neta, ani am ka pek ci” cine m’thein ci.

ATÜNNAK 40:13

Hnüüp thum ah kyong ung ghangpughang naw ning chah ba ne ning m’taam ne, na ngoh nak te ung ning hmoh ba khai. Zu cuung bawi ah na kyak man ah kya ba ne, ghangpughang am na tu ba khai nei.

DANIEL 4:18

“Shin cu kei ah mang nei,” cine, ghangpughang Nebukhadnezzar naw pyen ci, “Tuhbäi Belshazzar aw, cun ah mawng cu na m’thein ä, ka bawimang gui a u naw phi kä na m’thein hning ci nei, cun ung phi nang naw na hmat hning khai, a i ah kyasei ci ung theingcim ciah Khanpughi ah mümcha cu nang ung om ci.”

ATÜNNAK 41:28

Cun cu ka ning m’thein ah mäih ah Khanpughi naw a bi law vai cu a ning hmuh sak ah kyak ci.